VOV4.K’ho- Drim ngai 09/12, tàm Hà Nội geh mut lơh ràng tơlik dunia bè công nghiệp dong kờl mờ lơh gơlik, mòn gơs phan Việt Nam (VIMEXPO nam 2020). Do là ràng tơlik gah broă lơh ờs mờng geh Cục Công nghiệp, gơ wèt Bộ Công thương bơyai lơh mờ bơta tus bal bơh rlau 170 mpồl lơh sa kă bro dê. Mờ jơnau kờ` “Lơh bal nàng bơtàu tơnguh”, do là broă nàng kờ` ai tơlik ală broă lơh geh cồng nha nàng chul chồl bơtàu tơnguh gah công nghiệp dong kờl tàm lơgar Việt Nam.

Tàm 3 ngai bơyai lơh ràng tơlik, ală mpồl lơh sa kă bro tus bal geh yal ală phan lơh gơs tờm ngan, mờ ală công nghệ pa ngan rlau jơh tàm drà kă bro. Di tu\ do, kung geh lơh 2 dơ\ pơrjum nàng kờ` lơh gơlik ală bơta lơh bal, boh bơr, cribơyai đah ală kong ti lơh broă tàm gah công nghiệp dong kờl mờ ală kuang bàng ai tơlik gùng dà broă lơh nàng kờ` tơlik ală jơnau cih adat boh lam, broă lơh dipal nàng chul chồl bơtàu tơnguh gah công nghiệp dong kờl mờ lơh gơlik phan, mòn gơs phan tàm lơgar Việt Nam.

Cau mblàng K’Duẩn