VOV4.K’ho – Bơh ngai 15 tus ngai 28/10 tus do, ală cau bơsram dờng r[ah mut bơsram nam 2017 gơtùi cih mat nàng geh dờp ve\ rơndeh tơmù khà priă mờ khà priă tac 10 rbô tàm pang web Vexere.com. Cau geh cih mat tus bal dờp ve\ rơndeh ờ kas priă là cau bơsram dờng pa mut bơsram geh rài kis kal ke, oh kòn làng bol kòn cau, oh kòn tàm bồt dà lềng, mut bơsram tàm ală hìu bơsram đại học, cao đẳng tàm gùt lơgar.

Kờp jơh khà ve\ bơh ală hìu rơndeh cih mat dong kờl tàm pang website Vexere.com kờp tus ngai do là mờr 30 rbô ve\, ndrờm mờ khà priă dong kờl mờr 5 tơmàn priă. Broă lơh geh mut lơh ai ală rơndeh lòt bơh ngai 5/9 tus ngai 31/10/2017.

Ală cau bơsram dờng pa geh cih mat bơh tu\ do tus ngai 28/10. Nàng tus bal broă lơh, ală oh mut tàm website Vexere.com, mut tàm bơnah “Vé xe chắp cánh ước mơ giảng đường”, rơwah tiah lòt - tiah tus, rơwah “Đăng ký Mã giảm giá”, cih jơnau tơnggit jat jơnau pơlam nàng geh dờp “Mã giảm giá”. Tơnơ\ mờ tu\ dờp geh mã do bơh email, cau bơsram dờng pa geh ngui nàng blơi ve\ 10 rbô mờ broă tơm priă online halà chuyển khoản ngân hàng.