VOV4.K’ho – Hơ\ là khà priă geh gơnoar atbồ lơgar Hàn Quốc mờ UN Women ki\ ringbal tam klac nàng tam gơl bơta kloh niam cau ùr mờ kơnòm ùr in tàm 7 rbô 500 hìu nhă rơbah mờ hìu nhă ndrờm bè cau rơbah gơtìp aniai kơnjơ\ ngan tài trồ prang dờng soat dà tàm 6 kơnhoàl di tiah ring dà dờng Cửu Long mờ Tây Nguyên. Bơnah dong kờl bơh gơnoar atbồ lơgar Hàn Quốc dê geh dong cau ùr tàm ală tiah gơtìp trồ prang dờng soat dà lơh aniai kơnjơ\ mờ dà hang mut aniai di ală càr Cà Mau, Kontum, Gialai rơcang sơndră kòp jê mờ sền gàr pràn kơldang să jan, tơnguh bơta git wă, kung bè pơgồp bơnah tơnguh priă lơh geh cau ùr rơbah in. Bal mờ hơ\, mờ bơnah dong kờl do, UN Women kung neh dờp geh 400 rbô đôlar Mỹ bơh kes priă dong kờl jal mhar bơh anih duh broă dunia dê nàng dong kờl 20 rbô nă cau ùr mờ kơnòm ùr tàm ală càr gơtìp aniai tài trồ prang dờng soat dà mờ dà hang mut aniai tàm lơgar Vịêt Nam.

Nhai 3 nam 2016, gơ noar atbồ lơgar Việt Nam, ală mpồl lơh broă bơh anih duh broă dunia mờ ală mpồl lơh broă bal neh hòi jà mpồl bơtiàn dunia dong kờl 48 tơlak 500 đôlar Mỹ tus mờ rơndap broă dong kờl làng bol 18 càr, [òn dờng gơtìp aniai tài bơta trồ prang dờng soat dà mờ dà hang mut aniai kơnjơ\ ngan rlau jơh tàm rlau 60 nam do.

                  Cau cih mờ yal tơnggit K’ Duẩn.