VOV4.K’ho - UBND càr Kon Tum pa bơyai lơh pơrjum pờ tơl^k tơn tàm internet kờ` sền wơl bè broă tơnguh bơtàu lơh sa mpồl bơtiàn càr do dê. Nggùl bồ nam do, broă lơh sa mpồl bơtiàn càr Kon Tum pơn jăt tai ring niam, tơnguh bơtàu mờ lơh geh uă cồng nha niam. Kờp jơh khà priă tă dia di gơlan geh mờr 1 rơbô 430 tơmàn priă; priă geh bơh broă lơh sa mờ măi mo\k, kă bro, broă lơh drơng ơla pơn jăt tai gơguh niam; lơh sa suơn sre công nghệ cao geh sền kuơ tơnguh bơtàu; yal, hòi jà nhơl chờ geh chồl pràn; broă hòi jà bơcri priă, lơh niam tiah kă bro geh tơnguh; bơ\t bơtàu [òn lơgar pa geh lơh pràn…

Tàm pơrjum, UBND càr Kon Tum sồr ală sở, gah lơh broă, ală kơnhoàl, [òn dờng pal tơrgùm lơh jăt niam pe gah broă pràn càr dê; sền kuơ broă bơ\t bơtàu kờ` gờ` lơh gơs 3 tiah tòm bè tơnguh bơtàu phan lơh sơnơm là Kon Plông, Tu Mơ Rông mờ Đăk Glei. Tềng đăp măt là pơn jăt tai tơnguh ală sơndră mờ kòp tàm phan ròng, tàm hơ\ uă ngan là kòp jê ndul gơjroh sur châu Phi; lơh jăt ală broă lơh mhar kờ` sơndră mờ kòp sốt xuất huyết; lơh niam broă atbồ sền gàr brê; sền gròi, đơng lam lơh sa kàl mìu; sền kuơ broă sơndră mờ rềs àr bơh trồ tiah; chồl pràn broă lơh jăt khà broă dà lơgar bè bơ\t bơtàu [òn lơgar pa…

Jat jơnau yal bơh UBND càr Dăk Nông dê, 6 nhai bồ nam do, ală broă bơtàu tơnguh lơh sa- mpồl bơtiàn bơh càr dê ndrờm lơh geh uă ngan. Bè khà gơguh lơh sa kờp du\ rlau 8%; tă dia dà lơgar rlau 1.480 tơmàn, geh 63% kờp du\ lài gùt nam; Kă bro bơtàu tơnguh kơ\ kơl jăp, lơh geh jơnau kờ` bơh làng bol dê. Broă lơh niam chài li la, lơh uă, drơng niam jơnau kờ` bơh làng bol dê tàm dơ\ lơh chờ, sa tềp. Cồng nha bơto bơtê, kham sơm kòp rơhời geh lơh niam. Ală broă dong kờl mpồl bơtiàn mờ cau geh màng mờ dà lơgar geh lơh niam; rơndăp tăp sèng ờdo ờdă gùt mpồl bơtiàn kơ\ kơl jăp.

6 nhai do, lơh sa mpồl bơtiàn càr Lâm Đồng tơnguh bơtàu niam. Mùl màl là khà gơguh lơh sa rơlao 7%, kờp jơh khà priă tă dia dà lơgar di pơgăp 4 rơbô 400 tơmàn priă, priă geh bơh broă tăc phan mờ lơgar bơdìh di gơlan geh 370 tơlăk đôlar Mỹ. Tàm 6 nhai do, cau năc nhơl chờ tus càr Lâm Đồng rơlao 3 rơbô 730 nă, tàm hơ\ cau năc dunia di pơgăp 270 rơbô nă. Ală khà bè lơh sa càr dê ndrờm gơguh pơn ndrờm mờ tu\ do nam lài, mờ geh rơlao nggùl rơndăp broă gùt nam do.

Cau mblàng Ndong Brawl mờ Lơ Mu K'Yến