VOV4.K’ho- Triang triồng lơh broă, lơh ngan bơsram, bi A Đanh, kòn cau Sơđăng, ơm tàm [òn Kon Hring, xã Ea H’Đing, kơnhoàl Cư\ Mgar, càr Dak Lak, neh sơr lèt gan kal ke brồ guh lơh pas. Bơh dì pal lòt lơh ơpah, hìu ơm ing, tơnơ\ do uă nam pơnđơl lơh pràn, hìu bơnhă bi dê tu\ do neh lơh geh  hìu niam, rài kis hờm ram. Bi A Đanh là krơh àng lơh sa jak lam lài bơh [òn Kon H’Ring dê nàng làng bol in lơh jat.

Bi A Đanh (mat sùm sơnđan là Pê Lơ), 42 sơnam, ơm tàm đội 1, [òn Kon H’Ring, xã Ea H’Đing, kơnhoàl }ư M’gar, càr Dak Lak. Kung bè jơh ală hìu bơnhă tàm [òn sơl, lài do rài kis hìu bơnhă bi dê kal ke uă ngan, jơgloh r[ah sùm uă nam do. Tơnơ\ tu\ bau, kơnờm bơta dong kờl bơh oh mi, gơ\p bơyô, bi neh lơh dùl nơm hìu ơm ing. Bi A Đanh yal:

Mut tàm nam 2001, tu\ crơng gơs hìu bơnhă a` lik ơm is, tu\ hơ\ kơnờm bơta dong kờl bơh oh mi kòn cau Rơđê tàm [òn Trấp kơl dơm chi nàng tơm wơl ù lơh sa ai dà lơgar in den a` dan lòt lơh bal, dan dùl êt chi nàng lơh jrong, rơkàng hìu, den hơ\ sồng lơh dùl nơm hìu ơm ing, rơkàng tìm mờ sơlo. Ai mpàp a` lòt jòi tiah do dùl ết tiah ne dùl ết nàng lơh kơlik.

 Mờ nùs nhơm triang triồng, kong bol glar kal ke, bi neh ờ ngòt basìl bơsram bơta chài bè broă tam, sơng ka sền gàr kơphê, tus bal jat bơsram ală ơ du\ pơlam lơh sa suơn sre geh lơh tàm xã. Bơh hơ\, bi neh khin cha tam gơl bă ù tam kòi dùl kàl ờ kơ\ kơl jap tài bơh ờ tơl dà nàng tam chi jo\ tơngai. Ală nam sơn rờp, tài bơh ờ hềt geh priă jền uă, bi tam bàr pe sào kơphê lơm. Sơntìl chi tam, phơng sih bi blơi dồs tàm ală đại lý, den tu\ tơnhào hơ\ sồng tơm jơh, mờ lơh jat tềm pềr priă bơcri lơh sa. Tơnơ\ hơ\ hời rơ hời rề ơnàng tai bă ù tam kơphê gơguh 7 sào.

Sền go\ mìng tam kơphê lơm den cèng wơl cồng nha ờ uă, den bi tam bơr lu\ mờ tờm tiêu, sầu riêng. Hời rơ hời tềm pềr priă, tơr gùm bơta mờng chài, bơsram tai broă lơh sa pa, hìu bơnhă bi neh hời rơ hời brồ guh lik klàs jơ gloh r[ah mờ kơl jap rài kis. Kơnờm geh priă lơh bơh chi tam jo\ tơngai, hìu bơnhă bi neh lơh dùl nơm hìu pa niam, blơi rơndeh rơn dồ, rơndeh drơng broă lơh sa suơn sre. Bi A Đanh đơs:

Lài do, mìng tam kơphê lơm den priă lơh geh ờ uă den a` tam bơr lu\ mờ tiêu, bơ, sầu riêng tàm 1 lồ nàng tơnguh tai priă lơh geh ai hìu bơnhă in. Nam lài, priă lơh geh kung uă đau, tu\ do ờ hoan kal ke rlau mờ lài uă ngan.

Tu\ do, tơl nam hìu bơnă bi lơh geh priă jền pơgap rlau 200 tơlak. Khà priă lơh geh do bulah là ờ hềt uă mơya pơn ndrờm mờ bơta kờp bal tàm [òn Kon H’Ring den kung gơ wèt tàm mpồl lam lài, là krơh àng lơh sa jak nàng tơl nă cau in lơh jat. Geh phan sa, phan prap, hìu bơnhă bi sền gròi ai oh kòn in bơsram jơh gùng jơh dà, tài bơh jat bi den “ pal geh jơnau g^t wă, pal geh bồ tơngoh jak g^t kơlôi sơnơng, jak chài den hơ\ sồng lơh gơtùi halà lơh jak”.

Ờ mìng lơh pas ai hìu bơnhă he dê lơm gời, bi A Đanh gam jơh nùs bơto pơlam, at tê sơ`io broă, dong kờl ală hìu bơnhă tàm [òn sơng ka sền gàr kơphê, tiêu. Bi kung dong kờl ală hìu bơnhă kal ke ai càn priă nàng bơcri priă sơng ka sền gàr phan tam.

Bi A Wút, ơm tàm [òn Kon H’Ring, xã Ea H’Đing, kơnhoàl }ư M’gar, dùl nă cau geh bi  A Đanh  dong kờl, đơs:

Bi A Đanh geh nùs nhơm kờ` gơboh bal, dong kờ` a` uă ngan, bơto pơlam a` lơh sa, bơto a` bè bơta chài sơngka sền gàr kơphê, tiêu. Bơdìh hơ\ tai, bi gam dong kờl a` lơh sră pơ àr dan càn priă ngân hàng, dong kờl phơng sih nàng bơcri priă sơng ka sền gàr kơphê, tiêu. Hìu bơnhă a` geh bi dong kờl uă ngan.

 Bơh ală cau sùm lơh ngan brồ guh bè bi A Đanh, [òn Kon H’Ring, tu\ do neh geh tai uă hìu bơnhă kơnòm să lơh ngan lơh sa, bơtàu tơnguh lơh sa, sơr lèt gan kal ke nàng lơh pas.

Ồng A Sứ, Phó kuang atbồ thôn [òn Kon H’Ring, xã Ea H’Đing, kơnhoàl }ư M’gar, càr Dak Lak đơs:

A Đanh là dùl nă cau triang triồng tàm broă lơh sa, sền gròi rài kis oh kòn lòt bơsram tơl làm. Jat a` tàm sơnam bi lơh sa bè do kung kơl jap đau sơl pơn drờm mờ kờp bal tàm [òn kòn cau Sơđăng tàm do.

  Ală krơh niam sơr lèt gan kal ke tàm [òn Kon H’Ring neh pơgồp bơnah tơn jơh rơhời jơh broă lơh mờng kuèng lơh sa suơn sre bơh yau bơngơl gơla, hời rơ hời ngui khoa học kỹ thuật tàm broă lơh sa suơn sre, lơh rài kis ngai sơlơ hờm ram, chờ hờp, [òn lơgar ngai sơlơ tam gơl niam.

Cau mblàng K’ Hạnh