Nam 1984, tơnơ\ geh rê ling, ồng A Kring Thoan rê hờ [òn tờm  mờ tàm nam 1986 bau mờ dùl na\ ùr  tàm [òn. Drờm bè ua\ ngan hìu nha\ ndai tàm [òn tu\ hơ\,  hìu nha\ A Kring Thoan kung kal ke ua\ ngan. Rbah, jơgloh sùm ơm lir wil bal mờ hìu nha\. Sơnơng tus bau kòn, ồng sùm ờ suk pal lơh ngan lơh broa\ nàng lik klàs rbah, drơng tus bau kòn in geh rài kis niam rlau. Bơh hơ\, ùr bơklau ồng neh pal lơh ngan  bơh rồ sre lơh kòi  nàng geh phe sa pah ngai mờ  sơnđờm bơtàu tơngguh rhời ba\ ù  tam ala\ chi tam jo\ sơnam.

            A Kring Thoan ai git: “A` geh  bơyai bal mờ bau, kòn mờ geh mblàng la, mờ ba\ sre gam lơh, geh tơl phan sa gùt nam, ờ ngòt jơgloh tai. Tu\ do he pal sền ù  nàng tam bùm blàng. Tam geh 2 lồ bùm blàng mơya pria\ geh pah nam ờ hềt jơnhua den tàng sơnơng pal tam chi lơi nàng ai geh tơnhàu ua\, pria\ geh sùm mờ kơljap rlau. A` sơnơng tus broa\ tam kơphe, mơya bơcri ờ jai. Ùr bơklau a` ring bal tam bời lời la bươn rlau, êt pria\ mờ bơcri buơn rlau. Bal mờ hơ\, ùr bơklau a` blơi rlau 500 tờm cao su gam geh 1 lồ. Tu\ do,  pria\ geh bơh hìu nha\ a` di rlau 100 tơlak pria\ pah nam”…

            Ồng A Kring Thoan kung sùm tus bal ala\ ơdu\ bơto pơlam bè bơta chài tam phan kờ` geh ngui tàm bơta mùl màl bơtàu tơngguh suơn chi bơh hìu nha\. Tus tu\ do, hìu nha\ ồng neh lơh geh 2 sào  kòi sre 2 kàl, 4 lồ ù tam bùm, 2 lồ cao su mờ 2 lò bời lời rcang ai geh tơnhàu. Mờ ala\ bơta chi tam do, pah nam cèng wơl pria\ geh tơl hìu nha\ in.

            Geh pria\ sùm, ùr bơklau ồng neh khin cha bơcri blơi ma\y ma\y kòi kờ` drơng broa\ lơh ma\y kòi hìu nha\ mờ làng bol tàm [òn. Bal mờ hơ\,  mờ la  cau at bồ mpồl cau ling yau bơh [òn, ồng sùm dong ala\ cau tàm mpồl geh  bal brồ guh tàm rài kis. “A` sùm geh lam sồr cau tàm mpồl ling yau  lơh ngan tàm broa\ lơh sa, lơh pas hìu nha\ in mờ nàng làng bol geh lơh jat bal”…A Kring Thoan pà git.

            Mò Y Viên kuang atbồ anih duh broa\ làng bol ntum Đak Môn, ai git: Ồng A Kring Thoan la dùl na\ cau nhap nhar ngan, geh dờp git mhar ngan ala\ bơta jak chài pa tàm broa\ lơh sa nàng geh ngui tàm lơh sa, tơngguh cồng nha chi tam, phan ròng. Bal mờ hơ\,  ồng kung jơh nus ngan geh pơlam, dong kờl ala\ hìu nha\ rbah lơh sa,  ngui dơ\ tềm pềr nàng lik klàs rbah.

            Mờ bơta lơh ngan sùm  ờ ơm,  bơh dùl na\ cau di  hìu nha\ rbah lài do, ồng A Kring Thoan neh brồ guh gơ gơs la dùl na\ cau lơh broa\ sa jak pơnrơ ngan bơh ntum Đak Môn. Pa do, ồng geh pơnyờ sa\ ngan geh rwah nàng tus bal dơ\ pơrjum Pơrlòng kờ` gơboh dà lơgar kơnhoàl mờ geh anih duh broa\ làng bol kơnhoàl pà sra\ jờng tài geh cồng nha jak ngan  tàm srơh pơr lòng kờ` gơboh dà lơgar, tơngai bơh nam 2010-2015.

                                                Cau mblàng K’ Brọp.