VOV4.K’ho- Ngân hàng Bơtàu tơnguh châu Á (ADB) ngai 9/11 neh ki\ bơnah priă dong kờl kờp priă là 2 tơlak 500 rbô dolar Mỹ nàng dong Chính phủ Việt Nam pà ală broă dong kờl mhar mờ dong kờl kòn bơnus ai làng bol gơtìp gơrềng tài bơh ală dơ\ dà ko\ dà cò lơh aniai tàm tơngai pa do tàm tiah tàm gùl lơgar Việt Nam dê. Bơnah priă dong kờl ờ tơm wơl do geh ai bơh Kes priă Sơndră wơl mờ bơta rềs àr châu Á- Thái Bình Dương, geh rơndăp lơh nàng dong kờl ală dà lơgar tàm mpồl gam bơtàu tơnguh bơh ADB dê gơtìp gơrềng tài bơh rềs àr bơh trồ tiah lơh aniai kơn kơ\ ngan.

ADB kung gam pơgồp bal niam ngan mờ ală cau lơh broă bal bơtàu tơnguh ndai nàng dong kờl ală broă lơh ngan dong kờl rềs àr aniai bơh Chính phủ Việt Nam dê, tàm hơ\ sền swì bơta gơrềng bơh trồ tiah lơh aniai dê mờ jơnau kờ` dong kờl tàm ală càr tiah tàm gùl lơgar. Dong kờl bơh ADB dê nàng kờ` hơ pơrgon là, làng bol kis tàm ală tiah gơtìp trồ tiah lơh aniai geh dờp ală bơta dong kờl bè gah lơh sơnơm mờ mpồl bơtiàn kuơmàng ndai, kung bè ală priă jền nàng bơ\t bơtàu wơl rài kis mờ broă lơh sa bơh khi dê.

Cau mblàng Lơ Mu K’Yến