VOV4.K’ho- Tài bơh rài kis mờ jơnau kờ` gơ jă gơ jal ir, làng bol tàm Dăk Lăk ngan là ală cau ơm tàm tiah sar lơgar ngài kal ke geh càn priă ngân hàng mờ tài bơh ờ gơtùi gi\t lài jơnau gơlời wơl den tàng neh lòt jòi tus ală broă lơh ai càn priă sa priă cồng uă ngan bơh cau dùl nă să is dê tài bơh lơh sră nggal [ươn ngan ờ kal ke dùl êt lơi. Bơta do neh lơh gơlik jơnau gơlời wơl ngòt rơngơ\t ngan bè uă bơta, aniai ờ niam tus rài lơh sa, lơngăp lơngai mpồl bơtiàn.

Nàng kờ` tơrmù jơnau càn priă sa priă cồng uă gam gơguh uă tàm càr, tàm tơngai do, Agribank Dăk Lăk neh jơh nùs ngan lam lơh jat ală broă lơh rề ơnàng ai càn priă ngui tàm broă lơh sa, pơn jat tai bơtàu tơnguh ală bơnah càn priă ngui sa drơng jơnau kờ` bơh làng bol dê, dong khi geh càn geh priă ngân hàng dùl bă [ươn soh rlau, tơrmù jơnau làng bol pal lòt càn duh jat broă lơh ai càn priă sa priă cồng uă.

Là cau sùm pal lòt càn priă ngân hàng dê nàng bơcri bơtàu tơnguh lơh sa, bi Nguyễn Doãn Thị, ơm tàm thôn 2, xã Băng Adrênh, kơnhoàl Krông Ana, càr Dăk Lăk pà gi\t, lài do nàng càn geh bơnah priă bơh 30 tơlak rlau hơđang, den bi pal lòt wih lòt wơl uă dơ\ ngan nàng lơh sră pơ àr roh tu\ tơngai jơh dùl poh tơn, geh tu\ là là jơh gùl nhai tơn dilah sră pơ àr ờ hềt dipal. Uă tu\ bòl ir, lồi du\t ờ gi\t lơh bè lơi bi pal lòt càn bơdìh nàng gơ in mhar. Mơya, tàm tơngai rềp ndo, kơnờm ngân hàng Nông nghiệp mờ Phát triển nông thôn kơnhoàl Krông Ana, càr Dăk lăk lơh uă broă lơh nàng kờ` lơh [ươn ală sră pơ àr nàng dong làng bol [ươn geh càn priă ngân hàng dê. Rềp ndo ngan rlau jơh là tu\ Agribank ai càn ngui sa 5 rbô tơmàn mờ broă lơh sră pơ àr [ươn ngan jat jơnau đơs “drim càn, mho ai”, neh dong bi Thị nggờc ngờr ngan, ờ gam pal kơlôi tai broă gơtìp ờ geh priă tài bơh ală sră pơ àr kal ke ir.

Tơngai rềp ndo, đơs bal là càn priă, kuang bàng ngân hàng lơh broă kung [ưon sơl, lơh sră pơ àr sơrbac mhar. Kung lơh geh di tu\ jơnau kờ` priă jền he càn tài bơh ai càn kung mhar sơl.

                    Kơnờm priă geh càn di tu\ den tàng bi Thị iang nùs bơcri bơtàu tơnguh lơh sa

Sơ`io tê rê hờ đah ală nha bùm blàng hòn gơs niam tàm bă ù mìr ơnàng rlau 1 lồ bơh hìu bơnhă dê, bi H’Biên Niê, 34 sơnam, ơm tàm [òn Pa, xã Cư Prao, kơnhoàl M’Drak pà gi\t: lài do tài bơh ờ tơl ù lơh sa den tàng rài kis bòl glar kal ke ngan, uă tu\ càng priă nàng blơi phe, blơi sơnơm ndrờm ờ gi\t pal lòt jồm lòt càn mờ cau lơi den tàng pal lòt càn đah bơdìh mờ gơtìp cau sa priă cồng uă ngan. Tus nhai 3/2019, bi H’Biên Niê geh càn 30 tơlak tàm bơnah ai càn 5 rbô tơmàn nàng blơi phơng ơn tam chi in. Kơnờm bè hơ\ mờ tờm bùm blàng, tờm tàu mờ dùl bơnah tờm phan sa bơh hìu bơnhă bi dê neh hòn gơs niam, hơ pơrgon lơh geh dùl kàl lơh sa geh tơnhàu uă.

Lài do càn duh đah bơdìh kal ke ngan, jồm 5 tơlak, priă cồng 1 nhai 1 tơlak cau sa he 500 rbô. Mơya, mờ dùl nam hơ pơrgon di ngai, di nhai den pal tơm jơh bal priă tờm mờ priă cồng tơn. Tơnơ\ hơ\ den go\ jơnhoa ir, kơnờm mờ bi H’Lan Ksor yal càn priă đah mpồl bơh ngân hàng Agribank dê. Ai priă hơ\ nàng tam tờm keo ròng kơnrồ, sền go\ kung ờ huan kal ke rlau, mờ bơtàu tơnguh niam.

Bal mờ lơh [ươn sră pơ àr, Agribank Dăk Lăk gam lơh pràn ai càn priă bơh mpồl bơh broă pơgồp bal niam mờ Ủy ban Nhân dân, Hội đồng Nhân dân, Mpồl cau ùr, Mpồl cau lơh broă sa…Broă ai càn priă bơh mpồl là dùl tàm ală gùng dà broă lơh geh cồng nha ngan nàng Agribank Dăk Lăk dong làng bol càn geh priă ngân hàng dùl bă [ươn [oài, sơrbac mhar, bơh hơ\ tơrmù jơnau càn priă sa priă cồng uă. Bi H’Lan Ksor, Kuang atbồ Mpồl cau ùr xã Cư Prao, kơnhoàl M’Drak pà gi\t, tơnơ\ mờr 3 nhai ai càn bơnah priă 5 rbô tơmàn mờ Ngân hàng Agribank Dăk Lăk jun tus, tu\ do jơh dùl [òn neh geh 18 hìu geh càn priă.

Lài hơ\, den ală oh mi cau ùr kung càn đah bơdìh dùl bơnah sơl, mơya kơnờm geh gùng dà broă lơh dong kờl bơh hơđang dê jun tus den ală cau tàm mpồl cau ùr geh đah ngân hàng dong kờl den a` do geh pồ lơh kuang atbồ mpồl den là lơh jơh ală sră pơ àr mờ ngân hàng dê sồr, den kung jun tus sơl mờ ngân hàng mơkung geh bơsong di tu\ ai bàr pe oh mi tàm do in. Bal mờ cau atbồ mpồl kung sùm lòt còp ală cau ùr tàm mpồl he dê là càn bè hơ\ di sơl lah ờ, priă cồng jơnhoa sơl lah ờ, den ală cau ùr tàm mpồl ndrờm đơs là priă cồng bè do là dipal ngan mờ rài kis mờ khi gơtùi tơm geh priă cồng pah nhai.

                   Ngai sơlơ geh uă làng bol lòt tus ală ngân hàng Agribank tàm Dăk Lăk nàng càn priă

Ồng Nguyễn Quang Vinh, Phó Kuang atbồ Ngân hàng Agribank đah tô Dăk Lăk pà gi\t, tơnơ\ tu\ lam lơh broă lơh ai càn 5 rbô tơmàn tơn, den ngân hàng neh sồr jơh ală anih lơh broă gơ wèt ngân hàng ai kuang bàng lòt lùp sền, iat kơno jơnau kờ` càn priă bơh cau dê, jơh nùs pơgồp bal mờ gơnoar atbồ tàm tiah hơ\, ală mpồl cau…nàng mblàng yal di tu\, dong làng bol gi\t tơl gùng dà broă lơh ai càn priă bơh ngân hàng dê, pơgồp bơnah tơrmù [à càn priă sa priă cồng uă đah bơdìh.

Agribank neh lời bơnah priă êt ngan kung là 5 rbô tơmàn tàm rơndăp tăp sèng càn priă nàng ai càn tơn ru\c lơyah tơngai sền swì wơl mờ sền swì ai càn. Tàm hơ\, den bol a` pơn jat tai ai lài lơh broă sền swì ki\ ai càn tơn tàm ngai tu\ dờp tơl sră pơ àr bal mờ ală jơnau kờ` ngui sa dipal mờ kơrnoat boh lam pal geh, geh jơnau kờ` càn ờ uă rlau ir 30 tơlak. Tơngai ngui priă càn lơyah tơngai bè kham sơm kòp, priă bơsram, blơi phan ngui, phan bơna ngui tàm hìu bơnhă mờ sră pơ àr lơh geh ờ go\ jo\ tai.

Mờ broă ai bơnah priă 5 rbô tơmàn bơh ală broă lơh ai càn ờ duh pal geh phan tàm pơgơl, bơh ală mpồl ai ală cau, hìu bơnhă, tơngai càn priă mhar jat jơnau đơs “drim càn, mho ai càn tơn mờ lơh sră pơ àr [ươn ngan rlau, bơh hơ\ pơgồp bơnah tơrmù [à jơnau geh ngan càn priă sa priă cồng uă đah bơdìh gam geh bềng làm bă tiah”.

Cau mblàng Lơ Mu K’Yến