VOV4.K’ho - Mho òr (24/8), Anih tờm kỹ thuật truyền dẫn pờ tơlik jơnau đơs sơndio rùp-Anih sơndio rùp Việt Nam mờ anih duh broa\ làng bol kơnhoàl Lý Sơn, càr Quảng Ngãi neh bơyai lơh  ai tus sền mờ  jàu anih pờ tơlik sơndio rùp kờp pria\ lơh geh tus rlau 13 tơmàn pria\ tàm  kơnhoàl bồt Lý  Sơn. Anih pờ tơlik sơndio rùp kỹ thuật số DVTB2 pràn 500W, geh gơ glòm pờ tơlik  ngài tus  di 10 kơi sồ, drơng di 22 rbô na\  làng bol tềng bồt Lớn, bồt Bé kơnhoàl bồt Lý Sơn mờ cau lơh ka tàm dà lềng. Ròt anih pờ tơlik sơndio rùp do geh anih lơh broa\ sơndio rùp Việt Nam geh lơh bal mờ anih  pờ tơlik jơnau đơs Việt Nam (VOV) ngui nàng mut lơh broa\ lơh pờ tơlik jơnau đơs mờ sơndio rùp tàm  dà lềng, bồt dà lềng. Broa\ lơh  geh anih pờ  tơlik sơndio rùp tàm bồt Lý Sơn gơ ơm tàm broa\ lơh bơh Anih lơh broa\  sơndio rùp Việt Nam “Wèt tus dà lềng, bồt dà lềng”,  kờ` tơngguh khà niam bơh  pờ tơlik sơndio rùp tus làng bol gam kis tàm  ala\ tiah gam ua\ ngan kal ke tàm ala\ bồt.

                                      Cau cih mờ yal tơnggit  K’ Brọp