VOV4.K’ho – Drim 28/06, Gah Gùng lòt pơndiang phan dà lơgar bơyai lơh Dơ\ ai rơndeh in lòt Rơndăp broă lơh niam wơl mờ lơh ơnàng gùng Hồ Chí Minh gơl lòt gan càr Kon Tum. Gơl gùng do jòng mờr 24 kơi sồ, ơnàng 11 thơk, kờp jơh priă tă lơh là 860 tơmàn. Tus bal dơ\ bơyai lơh ai rơndeh in lòt tàm Kon Tum, ồng Nguyễn Hồng Trường kuang jat jơng atbồ Gah Gùng lòt pơndiang phan dà lơgar, pà gi\t: bal mờ gơl gùng lòt gan Kon Tum, 10 rơndăp broă lơh ndai tàm gùng Hồ Chí Minh lòt gan ală càr Tây Nguyên mờ Bình Phước, tus tu\ do sền bal là neh jơh lơh mờ geh Mpồl duh broă sền swì ai ngui broă lơh dà lơgar đơs niam ngan bè bơta lơh gùng niam mờ kơ\ kơl jăp. Nàng gơl gùng Hồ Chí Minh ngui geh cồng nha, ală tiah kờ` pal geh broă lơh sền gàr kềng gah gùng ờdo ờdă lòt rê, kơryan bơta ai sơgràm, sền gàr niam mat gùng, ală broă lơh ndai tàm jơh dùl gơl gùng.

Ai rơndeh in lòt gùng Hồ Chí Minh gơl lòt gan Kon Tum

Bal mờ ngai òr, gùng Hồ Chí Minh, gơl lòt gan càr Gia Lai kung neh mùl màl mu\t ngui mờ ai rơndeh lòt. Gơl gùng do jòng 60 kơi sồ, bơh [òn dờng Pleiku, càr Gia Lai tus rơbàng 110, rềp mờ càr Dak Lak, geh anih lơh sa kă bro bal Đức Long Gia Lai bơcri mờ khà priă di pơgăp 1 rơbô 800 tơmàn priă, jăt broă lơh BOT. Tơnơ\ mờ tu\ geh ai mu\t ngui, anih bơcri priă lơh geh crơng gơs 2 anih tă priă kờ` tơm priă bơcri mờ hơ ngui gơl gùng do geh cồng nha.

Ai rơndeh in lòt gùng Hồ Chí Minh gơl lòt gan Gia Lai

Cau mblàng Lơ Mu K’ Yến- Ndong Brawl