VOV4.K’ho-Pơn jat tai ală broă lơh tàm tơngume Pơrjum dờng AIPA dơ\ 41, mho ngai (9/9), tàm anih tờm pơrjum dà lơgar geh bơyai lơh pơrjum pờ tơlik tơn tàm internet bơh Ủy ban Mpồl bơtìan dê mờ tơngume “Tơnguh uă gơnoar broă bơh AIPA dê tàm broă dong kờl Mpồl bơtìan Niam chài- Mpồl bơtìan ASEAN rcang sơn dră mờ kòp dờng Covid-19” mờ pơrjum bơh Ủy ban bơyai broă dê.

Tàm dơ\ pơrjum Ủy ban Mpồl bơtìan, ală kuang bàng ndrờm đơs là: Kòp dờng Covid-19 gam pơ hìn tus rài kis làng bol dê bè bơta lơngap lơngai, ờ do ờ dă pràn kơl dang să jan mờ uă gah ndai tàm rài kis lơh broă sa- mpồl bơtìan. Mờ ală bơta kal ke mờ pơr lòng bal hơ\, tàm broă lơh rcang sơn dră kòp tàm ală lơgar ờ di mìng tơr gùm tàm ală broă lơh rah rài lơm gời mờ tơl lơgar kờ` pal pờ ơnàng broă mut gơ rờm bal, lơh broă bal jat nùs nhơm tam klăc bal.

Cau mblàng K’ Hạnh