VOV4.K’ho – Gơ ơm tàm dơ\ lòt còp ngan ngồn lơgar Mỹ bơh Thủ tướng Việt Nam, ồng Nguyễn Xuân Phúc dê, ngai òr 31/5, tàm càr lơgar Washington, ồng Nguyễn Xuân Phúc neh wa\ rò ồng Robert Lighthizer Kuang atbồ Mpồl ala mat kă bro lơgar Mỹ mờ ồng Sonny Perdue, Bộ trưởng Nông nghiệp lơgar Mỹ, tus bal Pơrjum mờ ală tập đoàn, mpồl lơh sa kă bro khà dùl lơgar Mỹ dê, tus bal mờ geh jơnau đơs tàm Dơ\ yờ sa gờm chờ bơh Phòng Thương mại lơgar Mỹ (USCC) mờ Mpồl duh broă ala mat Mpồl lơh sa kă bro lơgar Mỹ mờ Asean (USABC) drơng lơh bal.

Tàm ală broă lơh mờ lơgar ndai, ồng Nguyễn Xuân Phúc đơs ngan là: Việt Nam sền dờng màng ngan lơh broă bal tàm broă lơh sa- kă bro mờ bơcri priă mờ lơgar Mỹ mờ tu\ lơi kung kờn cribơyai ală broă lơh sơlơ tơnguh tai bơta gi\t gơ\p lơh sa đah bàr lơgar jat tàm bơta geh kuơ bal. Việt Nam geh lơh geh tơl ală bơta niam rlau tai ai phan bơna kă bro lơgar Mỹ dê in tàm drà kă bro lơgar Việt Nam mờ pơn jat tai lơh niam wơl tiah kă bro mờ bơcri priă gơ wèt tus mờ mpồl lơh sa kă bro lơgar Mỹ lơh sa mờ Việt Nam.

Kung tàm ngai òr, ồng Nguyễn Xuân Phúc neh wa\ rò mò Victoria Kwakwa, Phó Kuang atbồ Ngân hàng Dunia lơh kơnòl broă Tiah châu Á- Thái Bình Dương mờ wa\ rò kuang đơng lam bồ Tập đoàn Hiltons tàm càr lơgar Washington.

            Cau cih mờ yal tơngi\t-Lơ Mu K’ Yến