VOV4.K’ho- Jat Tổng cục Du lịch, 5 nhai bồ nam do, tài gơ rềng bơh kòp Covid-19, khà năc dunia tus Việt Nam mìng geh 3 tơlak 700 rơbô nă gơ mù 50% pơn ndrờm dùl tu\ bal mờ nam lài, khà năc tàm lơgar geh 16 tơlak nă, gơ mù 58%. Tàm tơngai do, ală broă lơh chul chồl nhơl chờ tàm lơgar gam geh lam lơh dùl dơ\ le\ bal, lơh geh cồng nha niam ngan.

Tu\ do, bàr pe mpồl lơh sa kă bro neh lơh pràn ală broă lơh chul chồl gơ hòi gơ jà nhăc lòt nhơl tàm lơgar bè: 100% priă cơl du\ ơm rlô nàng ngui ai ală broă drơng ala tàm tiah do tơn; ờ sa priă vé rơndeh par rê wơl; ờ ai priă vé nhơl chờ lơh rài bồ tơngoh.

Jat Tổng Cục trưởng Tổng cục Du lịch ồng Nguyễn Trùng Khánh đơs: lơh pràn nhơl chờ tàm lơgar tàm tơngai bè tu\ do geh gơnoar broă kuơ màng ngan rlau jơh. Do kung là sac rơ wah bơh uă lơgar geh bơta pràn bè nhơl chờ tàm tu\ tơngai nhơl chờ dunia gơtìp “ til mpồng”. Tổng Cục du lịch yal lài, năc lòt nhơl tàm lơgar nam 2020 geh pơgap 60 tus 65 tơlak nă.

Cau blàng K’ Hạnh