VOV4.K’ho – Drim òr (13/2), bal mờ rơnàng kơnòm să gùt lơgar, 2 rơbô 300 nă ơruh pơnu tàm Gia Lai dùl ròt lòt gùng mu\t lơh kơnòl broă ling klàng.

Ală klao pơnu càr Gia Lai lòt ling

Nam do, tàm Gia Lai geh 55% tàm kờp jơh 2 rơbô 300 nă ơruh pơnu lòt ling là cau kòn cau, mờr nggùl khà ơruh pơnu jơh bơsram kâp ba, 63 nă ơruh pơnu jơh bơsram đại học, cao đẳng mờ trung cấp chuyên nghiệp, 5 nă kuang bàng lơh broă sa priă nhai dà lơgar gam lơh broă tàm ală tiah. Jơh ală 2.300 nă cau pa lòt ling dơ\ do geh lơh broă tàm ală mpồl ling bơh Quân đoàn 3, mờ Quân khu V.

Bàr nă bèp mờ kòn ngoh rơngăc tàm tơngăc bal

Cau ling Nguyễn Thanh Giao, kis tàm gùng dềt 112, gùng Phan Đình Phùng, [òn dờng Pleiku, càr Gialai, đơs: “Lài mờ tu\ lòt ling, a` neh sền gi\t loh làng bè bơta pal jat mờ jơnau kah yau bơh mpồl ling dê. A` lơh ngan kơ\ dơn nùs nhơm lòt ling. Nùs nhơm a` dê là chờ hờp ngan tu\ geh dà lơgar săc rơwah. A` chờ hờp ngan tu\ geh lơh broă dà lơgar mờ mpồl ling in, geh lơh jat niam jơnau pal jat, adat bơhiàn bơh mpồl ling dê”.

Mờ nùs nhơm mhar, niam gàr niam bơta ờ do ờ dă, 10 kơnhoàl [òn dờng tàm càr Kon Tum neh bơyai lơh jàu mờ dờp ling nam 2017 geh 100% khà geh jàu.

Bơtê bơto ală cau ling pa lài mờ tu\ lòt lơh jăt kơnòl ling klàng

Càr Kon Tum geh 700 nă cau ling pa lơh jăt kơnòl lòt ling. Tàm hơ\, tiah geh gal ngan là [òn dờng Kon Tum mờ 150 nă cau ling pa, Ờ uă ngan là kơnhoàl Ia H’Drai 5 nă cau ling pa. Bè bơta niam, ală cau ling pa tàm sơnam bơh 18 tus 25, ndrờm tơl pràn kơl dang lòt ling; 18 nă cau ling geh khà bơsram bơh trung cấp tus đại học; 15 nă cau ling pa là cau geh đảng; geh 3 nă cau ling pa là cau ùr; geh uă cau ling pa là oh kòn làng bol kòn cau mờ uă cau ling pa cih is sră dan lòt ling.

Broă jàu mờ dờp ling tàm [òn dờng Kon Tum

Kơnờm mờ broă lơh niam broă lam sồr, bơto bơtê nùs nhơm g^t kơnòl bè kơnòl sền gàr dà lơgar mờ broă drơng gàr ling klàng dê, ală cau ling pa ndrờm chờ hờp lòt ling.

Tàm càr Dak Lak, bal mờ rơnàng kơnòm să gùt lơgar, rơlau 2700 nă ơruh pơnu càr dê neh lòt gùng lơh broă ling klàng dơ\ I, nam 2017. Jat jơnau đơs bơh mpồl duh broă kơnòl broă ling klàng càr Dak Lak dê, dơ\ jàu ling dơ\ do, jơh ală ơruh pơnu ndrờm geh să jan pràn khà dùl mờ geh broă bơsram jak. Tàm hơ\, geh 18 nă cau geh đảng, 18 nă cau bơsram trung học chuyên nghiệp, 52 nă cau bơsram cao đẳng mờ 28 nă cau bơsram đại học. Khà gam wơl ndrờm neh jơh bơsram kấp ba.

Drim òr (14/2), ală kơnhoàl tàm càr Dak Nông neh bơyai lơh jàu ling nam 2017, jun 750 nă klao pơnu lòt ling lơh jăt kơnòl sền gàr dà lơgar. Dơ\ jàu ling tàm ală kơnhoàl, thị xã geh bơyai lơh tàm nùs nhơm niam, mhar mờ di pal. Tàm khà 750 nă klao pơnu jăk nam do, geh uă cau geh bơh 18 tus 27 sơnam; bơta pràn kơl dang să jan bơta 1 mờ 2 geh rơlao 60%; rơlao 90% khà cau neh jơh bơsram cấp 3 rơlao hờ đang; geh 15 nă klao pơnu neh jơh bơsram cao đẳng, đại học, trung cấp; 10 nă là cau geh đảng, gam tai là đoàn viên ơruh pơnu, 314 nă klao pơnu là kòn cau.

                                             Cau cih mờ yal tơng^t Ndong Brawl – Lơ Mu K’ Yến