VOV4.K’ho- Mho ngai (02/02), Ủy ban Nhân dân càr Kon Tum geh công văn pơyoa  Sở Giáo dục mờ Đào tạo, Sở Y tế, Sở Lao động- Thương binh mờ Xã hội, Ủy ban Nhân dân ală kơnhòal, [òn dờng bal mờ ală Anih bơ to bơtê tàm ù tiah càr dê bè broă ai kơ nòm bơsram, phổ thông; cau bơsram dờng, cau bơsram rlô bơsram tơr gùm tàm ală hìu bơsram bơh ngai do 03/02 nàng rcang sơn dră kòp Covid-19 tus di tu\ geh jơnau yal pa. Sở Giáo dục mờ Đào tạo pơn jat tai sồr ală hìu bơsram bơ to pơlam kơ nòm bơsram in bơsram pờ tơlik tơn tàm internet mờ bơsram is tàm hìu, ngan là gơ wèt mờ kơ nòm bơsram ơdu\ 12.

Ủy ban Nhân dân ală kơnhòal, [òn dờng sơlơ tơnguh broă atbồ niam cau bơsram dờng, kơnòm bơsram ală kấp tàm ù tiah he dê; sồr ală anih lơh broă, mpồl lơh broă, phòng ban geh gơ rềng, ngan là Ủy ban Nhân dân ală xã, sơnah [òn, thị trấn lam lơh krà` cê ală gùng dà broă broă rcang sơn dră kòp Covid-19 jat jơnau sồr, jơnau bơ to pơlam bơh Bộ Y tế, Bộ Giáo dục mờ Đào tạo, ală Bộ, gah sơnah lơh broă geh gơ rềng, Tỉnh ủy, Ủy ban nhân dân càr dê.

Mè bèp kơ nòm bơsram lòt rò kòn tềng đap mpồng hìu bơsram kấp dùl Phan Đình Phùng, [òn dờng Kon Tum mho ngai 02/02

Mho mang ngai 02/02, Ủy ban Nhân dân càr Lâm Đồng neh ki\ sră sơrbac mhar bè broă ai kơnòm bơsram, cau bơsram dờng, cau bơsram tàm ù tiah càr in ơm rlô bơsram nàng rơcăng sơndră kòp Covid-19. Jăt mờ hơ\, tềng đăp bơta gơbàn kal ke bơh kòp Covid-19 dê; sền swì jơnau sồr bơh Sở Giáo dục mờ Đào tạo dê, Ủy ban Nhân dân càr neh ring bal jơnau dan ai kơnòm bơsram mầm non, kơnòm bơsram bơh ơdu\ 1 tus ơdu\ 12, cau bơsram dờng, cau bơsram tàm ală hìu bơsram sră, hìu bơsram bơto broă lơh tàm ù tiah càr dê in ơm rlô bơsram bơh ngai 3/2 tus tu\ lơi geh jơnau yal pa.

Ủy ban Nhân dân càr jàu Ủy ban Nhân dân ală kơnhoàl, [òn dờng; Sở Giáo dục mờ Đào tạo, Sở Lao động, Thương binh mờ Xã hội pơgồp bal mờ Sở Y tế sơlơ lam lơh jăt niam tai ală tơngume jơnau sồr bè rơcăng sơndră kòp Covid-19 jăt di jơnau sồr; mơkung mblàng yal nàng mè bèp, kơnòm bơsram, cau bơsram dờng, cau bơsram in gi\t mờ lơh jăt niam.

Cau mblàng Lơ Mu K’ Yến mờ K’ Hạnh