VOV4.K’ho- Bal mờ gùt lơgar, ngai pơrlòng dơ\ 2, dơ\ pơrlòng jơh bơsram kấp pe dà lơgar nam 2019 tàm ală càr Tây Nguyên neh tơn jơh niam bơne\, mờ khà cau pơrlòng lòt pơrlòng uă, dùl êt nă ngan cau lơh tìs kơrnoat pơrlòng mờ uă ngan cau pơrlòng pin dờn là geh lơh geh điềm bơh di mơ rlau hơđang.

 Ală kơnòm pơrlòng tàm Gia Lai pơrlòng jơh ngai dơ\ 2 tàm dơ\ pơrlòng jơh bơsram kấp pe dà lơgar nam 2019

Tàm ngai pơrlòng dơ\ 2, khà cau pơrlòng lòt pơrlòng uă ngan rlau jơh là tàm càr Dăk Lăk. Jơnau ai pơrlòng tàm jơh bal môn tơrgùm bal ală môn khoa học tự nhiên mờ dà đơs lơgar ndai, pơn jat tai geh đơs là dipal, tu\ bơta kal ke di tơl nàng tam cah bồ tơngoh bơsram sră cau pơrlòng dê.

Bơh 2 ngai, mờ 58 rbô nă cau pơrlòng tàm tiah Tây Nguyên neh lòt pơrlòng, mìng geh 1 nă cau pơrlòng tàm Dăk Lăk mờ 1 nă tàm Lâm Đồng lơh tìs kơrnoat pơrlòng kơn jơ\ ir den tàng gơtìp ờ ai pơrlòng tai.

Cau mblàng Lơ Mu K’Yến