VOV4.K’ho - Bal mờ gùt lơgar, ală kơnòm bơsram tàm ală càr Tây Nguyên neh mu\t tàm dơ\ pơlòng jơh bơsram cấp 3 dà lơgar nam 2017 mờ broă rơcang lơh nền nòn ngan.

Tàm càr Gia Lai, rơlao 13 rơbô nă kơnòm bơsram tus pơlòng tàm 554 jơdu\. 1 rơbô 108 nă kuang bàng sền pơlòng geh ai tus lơh kơnòl. Gàr niam kờ` dơ\ pơlòng geh bơyai lơh niam bơne\, ală sở, gah, mpồl lơh broă pơgồp bal kờ` ai tơl bơta niam ngan ală kơnòm bơsram in. Jăt mờ hơ\, tơl nă kơnòm bơsram kòn cau geh càr dong kờl 500 rơbô priă.

Tàm càr Gia Lai geh di pơgăp 5 anih pà piang sào ờ sa priă tàm 3 ngai pơlòng kờ` drong ală kơnòm bơsram in. Gùt càr Gia Lai neh hòi jà geh rơlao 700 nă cau lơh broă dong kờl is, dong kờl ală kơnòm bơsram bal mờ cau hìu nhă kơnòm bơsram.

Tàm càr Dak Lak, bal mờ bơta pơgồp bal niam ngan bơh ală gah lơh broă geh gơnoar dê, mpồl dong kờl kàl pơlòng neh geh ai tus làm bă tiah nàng dong kờl cau pơlòng.

Mpồl cau dong kờl piang sào

Mpồl ơruh pơnu kơnhoàl Ea Súp pà g^t, neh geh 1 rbô dơ\ sào ờ sa priă, 120 anih ơm apah, 12 nơm rơndeh măy sùm pơn diang ờ sa priă nàng dong kờl ai ală cau pơlòng in.

Rơlao 40 nă cau lơh broă dong kờl is lòt tam pà piang sào, măy rơndeh pơndiang jun mờ rò, dong pơlam ală oh bè anih ơm apah ờ sa priă…

Mpồl cau dong kờl dà hùc bal mờ rơndeh pơn diang ờ sa priă

Tàm ală anih pơlòng ndrờm geh mpồl cau pà gai cih, dà hùc ờ sa priă kờ` dong kờl di tu\ ai cau pơlòng mờ cau hìu bơnhă cau pơlòng in tu\ geh jơnau kờ`.

Tàm càr Lâm Đồng, trồ tiah mềr niam, ai tơl bơta [uơn ală kơnòm bơsram tus pơlòng in. Gùt càr Lâm Đồng geh mờr 14 rơbô nă kơnòm bơsram tus pơlòng tàm 36 anih pơlòng. Bơdìh mờ ală bơta bè phan bơna neh geh, ai rơndeh pơn diang rò mờ jun kơnòm bơsram, gah bơto bơtê mờ bơsram càr Lâm Đồng neh hòi jà rơlao 2 rơbô 100 nă cau tus bal tàm mpồl duh broă pơlòng. Mờr 400 nă kơnòm bơsram ngài mờ anih pơlòng ndrờm geh ai hìu ơm, hìu sa ờ sa priă.

Kờ` drơng dơ\ pơlòng, càr Dak Nông neh tơrgùm 514 nă kuang bàng lơh kơnòl broă tàm 15 anih bal mờ 257 cơldu\ pơlòng geh lơh tàm jơh ală kơnhoàl mờ thị xã tàm càr. Nam do, jơh gùt càr Dak Nông geh 6 rơbô 069 nă cau pơlòng lòt pơlòng.

Kơnờm geh rơcang lài niam ngan, den tàng ngai pơlòng sơnrờp tàm càr Dak Nông neh geh lơh niam ngan. Tàm uă anih pơlòng, mpồl ơruh pơnu lơh broă dong kờl is geh mat bơh gờ` ngan nàng bơto pơlam mờ dong kờl cau pơlòng. Ală mè bèp lòt jun kòn lòt pơlòng geh rơndăp ai anih nggui ơm kơ\p mờ sền sră băo.