VOV4.K’ho – Jat cồng nha sền khà kờp pràn jak tàm pơrlòng kơnă càr (CPI) nam 2016 pa yal, khà bơh càr Daknông dê neh gơguh tus 2 khà, mơya kung gam gơ wèt mpồl lồi sră săp sèng. Tu\ do, Daknông geh mờr 4 rbô mpồl lơh sa kă bro lơh sră cih mat dan kă bro, mơya mìng geh pơgăp nggùl khà hơ\ gam lơh broă, mờ kờp jơh priă cih tàm sră pơ àr là 1.200 tơmàn. Jơnau hơ\ pà go\, càr Daknông kờn pal lơh ngan uă rlau tai tàm broă lơh tam gơl pa hành chính, tă bơsong kal ke ai mpồl lơh sa kă bro mờ lơh niam wơl tiah bơcri priă.

Jat khà sap sèng CPI nam 2016 pa geh yal, Gialai ơm dơ\ 46 tàm khà 63 càr, [òn dờng gùt lơgar, gơguh dùl khà pơn drờm mờ nam lài, ơm dơ\ 3 tàm ală càr Tây Nguyên. Kuang đơng lam bồ càr Gialai pà git, khà sap sèng hơ\ neh đơs ngan ngồn, bulah 3 nam do, càr sùm lơh ngan tam gơl hành chính, mơya broă bơcri priă bơh càr dê ờ hềt ngan ngồn gơ hòi gơ jà. Càr geh pơnjat tai mut lơh ală broă lơh tam gơl broă bơcri priă, tơnguh khà tàm pơr lòng, lơh bè lơi nàng mpồl lơh sa kă bro geh dờp mờ mut lơh niam ngan rlau jơh ală rơndap broă tàm càr.

Cau cih mờ yal tơngi\t- Lơ Mu K’ Yến mờ K'Duẩn