VOV4.K’ho – Jat Anih yal tơngi\t lài trồ tiah dà ia tiah Tây Nguyên dê yal, tơnơ\ rlau 6 nhai trồ prang ro kơnra`, tàm bàr pe ngai rềp ndo, ală càr tàm Tây Nguyên neh geh mìu kơnàs tàm bàr pe tiah, lơh geh dà ai rlau 573 rbô lồ kơphê, 42 rbô lồ tiêu gam gơtìp ờ tơl dà uă ngan in. Mơya, tàm tu\ mìu geh bal kơnàs, bàr pe tiah neh geh càl khồm pràn ngan, mìu piar lơh aniai hoàc hươr phan bơna bơh làng bol dê. Anih lơh broă geh gơrềng yal lài làng bol in pal rơcang sơndră lài, geh broă lơh kơryan bơta hoàc hươr tài bơh càl khồm pràn, kơnàs còng. Tus tu\ do, trồ prang jo\ jòng neh lơh gi\t nđờ jơ\t rbô lồ chi tam tàm ală càr Tây Nguyên gơtìp soăt dà, lơh tơr mù cồng nha tơnhàu bơh 30- 70%, lơh hoàc hươr gi\t nđờ rbô tơmàn priă. Tàm Daklak, neh geh rlau 48 rbô 300 lồ chi tam gơtìp prang soăt dà, tàm hơ\ geh mờr 37 rbô lồ kơphê, hoàc hươr rlau 1550 tơmàn priă. Càr Gialai geh 22 rbô 200 lồ chi tam gơtìp prang soăt dà, tàm hơ\ ờ geh tơnhàu dùl e\t lơi là 4500 lồ, hoàc hươr rlau 374 tơmàn priă.

Cau cih mờ yal tơngi\t- Lơ Mu K’ Yến