VOV4.K’ho- Tơnơ\ 2 ngai pơrlòng, mho ngai 10/8, mờr 14 rbô nă cau pơrlòng tàm càr Dăk Lăk neh jơh lơh dơ\ pơrlòng jơh bơsram kấp pe dơ\ 1 nam 2020. Dơ\ pơrlòng do geh đơs là niam ờdo ờdă mờ lơh geh ală jơnau kờ` mờ gah bơto bơtê dê ai tơlik jơh bal bè lơh jăt kơrnoat pơrlòng mờ gàr niam ờdo ờdă kloh niam rcăng sơndră kòp Covid-19. Jơnau yal mhar, tơnơ\ tu\ dơ\ pơrlòng tơn jơh, ồng Phạm Đăng Khoa Kuang ătbồ Sở Giáo dục mờ Đào tạo càr Dăk Lăk, Phó Kuang ătbồ mpồl đơng lam kấp càr dơ\ pơrlòng jơh bơsram kấp pe nam 2020 tàm Dăk Lăk đơs nền: Dơ\ pơrlòng neh geh lơh niam ờdo ờdă mờ di mờ kơrnoat. Ală anih pơrlòng tàm ală tiah neh lơh jăt niam jơnau sồr lơh bơh Bộ Giáo dục mờ Đào tạo mờ Bộ Y tế dê tàm broă lơh rơcăng sơndră kòp bơtờp. Khà cau pơrlòng lòt pơrlòng dơ\ 1 tàm Dăk Lăk geh rlau 99,4%.

Tài gơrềng bơh kòp Covid-19 dê, dơ\ pơrlòng jơh bơsram kấp pe nam 2020 tàm Dăk Lăk geh lơh 2 dơ\, tàm dơ\ 1, càr mìng bơyai lơh dơ\ pơrlòng tàm 14 kơnhoàl, thị xã bal mờ 23 anih pơrlòng bal mờ mờr 14 rbô nă cau pơrlòng lòt pơrlòng. Mìng is, cau pơrlòng bơh [òn dờng Buôn Ma Thuột dê mờ ală cau pơrlòng là cau F1, F2 geh pơrlòng tàm dơ\ 2.

Dăk Lăk tơn jơh dơ\ pơrlòng dơ\ 1 

Càr Gia Lai kung neh bơyai lơh dơ\ pơrlòng niam, gàr tơl bơta ờ do ờ dă ai cau pơr lòng in. Mho òr, 10/8, rlau 13 rơbô nă cau pơr lòng tàm Gia Lai neh lơh gơs môn pơr lòng lồi du\t jơh bơsram kấp pe nam 2020. Ală cau pơr lòng ờ tus pơr lòng pơn drờm mờ tu\ dan cih mat pơrlòng bơh sơn rờp là 38 nă. Geh 1 nă cau pơr lòng sền go\ cèng điện thoại mut tàm cơl du\ pơr lòng, den neh ờ dờp cồng nha pơr lòng. Do kung là cau 1 nă lơm lơh tìs mờ kơr noat tàm dơ\ pơr lòng nam do tàm tiah do dê. 

Dơ\ pơrlòng tàm Gia Lai

Tàm dơ\ pơr lòng jơh bơsram kấp pe nam do, tàm Gia Lai, geh 31 nă cau pơr lòng geh sền gròi bơh gah lơh sơnơm dê, geh xét nghiệm kòp Covid-19 mờ ndrờm geh cồng nha ờ bơtờp kòp. Ală cau pơr lòng do geh sền gròi bơh gah lơh sơnơm mờ tus bal tàm dơ\ pơr lòng bè ờs sơl.

 Rlau 13 rbô 400 nă cau pơrlòng bơh càr Lâm Đồng dê kung neh jơh lơh ngai pơrlòng du\t ndơl dơ\ pơrlòng jơh bơsram kấp pe nam 2020. Uă ngan cau pơrlòng gơ lơh chờ hờp bè cồng nha lơh jơnau pơrlòng, ai mè bèp cau pơrlòng dê den iang nùs bè broă bơyai lơh pơrlòng geh lơh niam mờ ờdo ờdă. Mò Phạm Thị Hồng Hải, Kuang ătbồ Sở Giáo dục mờ Đào tạo càr Lâm Đồng đơs nền: Dơ\ pơrlòng jơh bơsram kấp pe nam 2020 tàm Lâm Đồng geh lơh niam mờ ờdo ờdă.

Cau mblàng Lơ Mu K’Yến mờ K'Hạnh