VOV4.K’ho- Mpồl đơng lam Dà lơgar bè rơcăng sơndră trồ tiah lơh aniai- Ủy ban Dà lơgar sơndră wơl bơta gơ aniai bơh trồ tiah dê mờ lòt jòi dong kờl rềs àr pa geh Công điện mhar pơyua tus Mpồl đơng lam rơcăng sơndră trồ tiah lơh aniai mờ lòt jòi dong kờl rềs àr ală càr, [òn dờng tiah Tây Nguyên in bè rơcăng lài sơndră wơl mờ mìu càl rbu\t dờng sồ 9.

Tơngume Công điện cih loh, mìu càl rbu\t dờng sồ 9 là mìu càl rbu\t dờng geh bơta pràn càl puh pràn ngan, ù tiah gơrềng uă, gơ lòt mhar. Nàng rơcăng lài sơndră wơl mờ mìu càl rbu\t dờng, sồr Mpồl đơng lam rơcăng sơndră trồ tiah lơh aniai mờ lòt jòi dong kờl rềs àr ală càr tiah Tây Nguyên tơrgùm sồr kờp sền, lam lơh broă lơh gàr niam ờdo ờdă màng kis mờ phan bơna làng bol dê, rơcăng lài ntrờ` làng bol lik bơh ală tiah sơbơng roh, tiah geh pơhìn gơbàn uă bè tơrlah ù, dà cò, dà ko\, tiah ngơr bam jrô dà, tiah dà wềl tus tiah ờdo ờdă; Pơlam mờ sồr lam bơ\t kơl jăp wơl hìu đam, anih lơh broă, hìu bơsram, hìu sơnơm, anih prăp phan, ală broă bơ\t bơtàu mpồl bơtiàn; lòt sền, kờp sền ală tơnau bơtơ\t dơng dà, hìu măy pờ tơlik ồs đèng nàng rơcăng lài, pleh…

Cau mblàng Lơ Mu K’Yến