VOV4.K’ho - Kờ` tam pà mờ dong kờl làng bol, bơdìh kơnòl kuơ màng là rơcang lài tam lơh, tàm uă nam do, Trung đoàn 994 – gah đơng lam bồ ling klàng càr Daknông sùm lơh niam broă lam sồr làng bol, dong kờl làng bol tàm broă lơh sa, rơcang sơndră mờ trồ tiah lơh aniai. Mìng is nam do, broă pic kơphe làng bol dê gơtìp uă kal ke tài mìu jo\ jòng, kal ke jòi ơpah cau pic, ală cau ling Trung đoàn 994 neh tus tàm suơn dong làng bol pic kơphe:

Pa pic jơh jơh kơphe 2 lồ mờ gùl, ồng Nguyễn Văn Cường, ơm tàm xã Nâm N’Jang, kơnhoàl Dak Song, càr Daknông gơ lơh hừh ngan nùs nhơm. Ồng Cường pà git, ờ hềt nam lơi tàm kơnhoàl geh mìu, trồ mrềt uă bè nam do, den tàng hìu nhă ờ gơtùi ơpah cau. Kung tài bơh trồ mìu, broă pic kal ke ngan, bulah lơh ngan mơya cồng nha lơh ghe mìng ndrờm mờ gùl ngai ờs dê. Bơtuah ngan geh bơta dong kờl bơh ală cau ling Trung đoàn 994, den tàng tơ nơ\ 1 nhai suơn kơphe neh pic jơh. Tơnơ\ mờ tu\ pic kơphe, Trung đoàn 994 pơnjat tai ai hìu nhă ồng Cường mờ uă hìu nhă ndai tàm xã jồm bă ù ơnàng mpồl ling dê nàng ìs, dong kơphe ờ roh bơta niam. Ồng Nguyễn Văn Cường đơs: “Đơs bal kàl lơh sa nam do tơnhàu kung geh đau, mơya geh bơta kal ke là trồ tiah mìu càl sùm ờ geh tiah nàng ìs. Tềng đap mat là jồm geh [làng mpồl ling dê ìs geh nđờ jơt tấn kơphe. He prap tàm hìu den mìu càl kơphe gơbàn ồm jơh, den tàng jồm geh [làng đah do geh càl den kơphe kung ờ huan gơbàn ồm.”

Tơnơ\ rlau 1 nhai dong kờl làng bol pic, mho ală ngai lồi nam là tu\ ală tờm kơphe lồi dut tàm [òn lơgar neh geh pic jơh. Ală cau ling bơh Trung đoàn dê rê wơl pôs ling tàm bơta àu mpha đềt ù bo\ bal mờ ală dà kơl hề hòr tềng muh mat. Bulah neh bòl tơnơ\ ală ngai lơh broă kơn jơ\, mơya sap `o\ sùm geh tàm muh mat ală cau ling tài neh lơh niam broă lam sồr làng bol tàm nhai pic kơphe do. Hạ sĩ Lâm Quốc Cường – Trung đoàn 994 yal: “Tu\ pic kơphe dong làng bol den he jơh nùs, tu\ pic den ờ lơh pă ntê, pleh gơbàn aniai tus kàl tơ nơ\ làng bol dê, oh mi bulah bòl, mơya mờ nùs nhơm dong làng bol pic jơh kàl lơh sa kung gam lơh ngan lơh broă. Pah ngai ală oh mi pic geh rlau 2 tạ kơphe, đơs bal oh mi kờ` dong làng bol lơh bè lơi pic mhar ngan rlau jơh.”

Mut lơh rơndap broă pơlam tàp mờ rơcang lài tam lơh nam 2016, Trung đoàn neh bơyai lơh ai 100 nă kuang bàng, cau ling pơgồp bal pơlam tàp, tam lơh bal mờ broă lam sồr làng bol tàm ală xã bơh kơnhoàl Dak Song, càr Daknông dê. Mpồl ling kung đal git mblàng ală kuang bàng mờ cau ling tàm mpồl in bè git gơp tam klac rềp mềl đah cau ling mờ làng bol. Gàr niam broă lơh ờ do ờ dă bè kòn bơnus mờ phan bơna, phan tam làng bol dê tu\ lơh kơnòl. Thượng uý Đặng Đình Hưng, dong broă Chính trị Trung đoàn 994 – gah đơng lam bồ ling klàng càr Daknông đơs: “Mpồl ling bol a` neh lơh jơh niam kơnòl pơlam tàp, mut lơh broă lam sồr làng bol, geh mpồl Đảng mờ gơnoar atbồ tàm [òn lơgar đơs niam bè bơta niam mờ cồng nha lơh jơh kơnòl. Bơh mut lơh kơ nòl lam sồr làng bol, pơ gồp bal rơcang tam lơh dong làng bol tơnhàu kơphe kàl 2016 den mpồl ling bol a` gam gàr niam ờ do ờ dă bè tơl bơta, bơh hơ\ neh bơt bơtàu mờ gàr kơ\ nùs nhơm tam klac rềp mềl đah ling klàng mờ làng bol.”

                                                                               Cau cih mờ yal tơnggit K’Duẩn