VOV4.K’ho – Lơh broă tàm mpồl cèng bơta pơn rơ krơi is, tam dră tơn mờ ală bơta cau tìs hình sự, tiah [uơn gơ rềng bè lơngap lơngai chính trị, ală cau ùr kuang bàng, cau ùr lơh broă bơh Kuang àng Gia Lai dê neh ai tơnggo\ ală nùs nhơm bơh cau ling kuang àng dê, mơkung bơsong kal ke nàng lơh gơs kơ nòl broă, sền gàr ring lơngai làng bol in.

Jơnau kah kir bơh ua\ cau dê tu\ lơh broă mờ Thượng tá Y Mai Anh (deh nam 1972), kuang atbồ Kuang àng kơnhòal Mang Yang, càr Gia Lai là rềp mềr ngan. Dùl nă cau ùr hàng niam mơya geh nùs nhơm pràn kơldang ờ lin mờ cau klau. Jat thượng tá Y Mai Anh đơs, hơ\ là cồng nha bơh 26 nam lơh broă tàm gah kuang àng, lơh broă tàm ală gơnoar broă tu\ lơi kung sùm rơcang lài tam dră, bè cơldu\ lơh broă hình sự, cơldu\ lơh broă kảnh sát ma túy, ờ mìng pơlam tàp nùs nhơm pràn kơldang nàng tam dră mờ ală cau tìs jà` bơsak, tràl sơbil, mờ gam pơlam tàp bồ tơngoh nàng kis gơ rờm bal, ai geh bơta pin dờn bơh làng bol dê, geh làng bol sền ngềr, kờ` gơboh, dong kờl.

26 nam lơh broă, bi Y Mai Anh ờ mìng tus bal kup bàn, kơryan git nđờ rhiang broă lơh tìs hình sự, kup bàn ua\ mpồl kă bro, pơndiang ma túy tus ală càr mờ khà dờng ngan, mờ gam geh ua\ tu\ tơngai mut tàm ală thôn, [òn kòn cau nàng kơryan mpồl jat yàng ờ ngan Hà Mòn. Pa do ngan rlau jơh, bi tus bal đơng lam jòi kup mpồl jat yàng ờ ngan Hà Mòn dut ndơl tàm Mang Yang tàm nhai 3 nam 2020; 1 nhai tơ nơ\ hơ\, pơn jat tai mut kup bàn gơtùi mpồl geh 49 nă cau nhơl [ài tàm xã Hra.

Thượng tá Y Mai Anh (nggui tềng nggùl)

Mờ ală broă lơh ngan ờ git glar bòl bal mờ ală cồng nha jak ngan he dê, thượng tá Y Mai Anh neh geh dờp ua\ bằng khen, ua\ khà jờng tàm pơrlòng. Nam do, bi là cau pơn rơ gơguh jak bơh kuang àng càr Gia Lai dê tus bal tàm pơrlòng “Tài lơngap lơngai dà lơgar” jơh gùt gah kuang àng.

Să cau ùr bòl glar kal ke pal tam dră mờ pềs, đàu, phàu bơh ală cau tìs dê digơlan lơh ngòt rơngơt tus màng kis, mơya Y Mai Anh sùm pơn iờ să mờ broă lơh he neh sac rơ wah. Bi yal: “A` sơ nơng [uơn ngan là, tu\ neh soh phan lơh broă nàng sền gàr adat boh lam, là cau dong kờl pràn ngan bơh đảng dê, sền gàr bơta ring lơngai bơh làng bol dê den ai ho\ là bơta chờ hờp, bơta gơboh gơbài; ai 6 jơnau Bác Hồ bơto sồr mpồl Kuang àng làng bol lơh nàng lơh gùng dà, jơnau pơlam tờm ai broă lơh mpồl kuang àng in; sùm ai kơrnuat pal jat bơh kuang àng làng bol dê nàng lam lơh mờ lơh jat niam gùng dà, broă lơh bơh Đảng, dà lơgar dê, lơh jơnau kờ` nàng brồ guh”.

Thượng tá Y Mai Anh (ơm dut ndơl đah ma) neh lơh ngan sang sơbì yàng ờ ngan Hà Mòn tàm kơnhòal Mang Yang, Gia Lai

Dùl nă cau ùr khin cha jak chài ndai bơh Kuang àng Gia Lai dê là bi Lương Thị Thu Quỳnh (deh nam 1976), tu\ do là Thượng tá, Kuang atbồ cơldu\ lơh broă cảnh sát gùng lòt. Nam 1988, bi, dùl tàm ală cau ùr hàng bơh hìu bơsram Đại học Cảnh sát Nhân dân 2 dê pa lik klờng neh geh sồr rê lơh broă tàm Cơldu\ cảnh sát lùp khàu (tu\ do là cơldu\ cảnh sát hình sự, Kuang àng càr Gia Lai).

13 nam sùm tàm gơnoar broă là cau lùp khàu, bi Quỳnh neh bal mờ cau lơh broă bal lùp khàu gơtùi git nđờ rhiang broă lơh tìs. Tàm hơ\, lơh bi kah ngan rlau jơh là broă Mai Qúy Thọ bal mờ cau tàm mpồl bal blac pơrlồm, sơ gràm ai rlau 200 tơmàn đong bơh git nđờ rhiang nă cau tàm càr dê. Broă lơh tìs kal ke, ală cau lơh tìs dô mpồn, bi Lương Thị Thu Quỳnh neh sang te\ broă hìu bơnhă, lời kòn dềt tàm hìu, hơ\ sồng bal mờ cau lơh broă bal lòt tus ua\ càr, [òn dờng tàm lơgar, lòt tus lơgar Campuchia nàng jòi kup cau lơh tìs rê kong bơta lơh glài bơh adat boh lam dê.

Thượng tá Lương Thị Thu Quỳnh, Kuang atbồ cơldu\ Cảnh sát gùng lòt Kuang àng càr Gia Lai

Neh geh tu\ at ua\ gơnoar broă, bơh cau lùp khàu tus Phó Kuang àng kơnhòal Chư Sê, Kuang atbồ cơldu\ cảnh sát gùng lòt Kuang àng càr Gia Lai, tàm gơ noar broă lơi, bi Lương Thị Thu Quỳnh kung lơh gơs jak ngan kơ nòl broă geh jàu, ua\ dơ\ geh Bộ Kuang àng pà bằng khen. Bi Quỳnh yal, là cau ùr kuang àng, bi mờ cau lơh broă bal geh ua\ kal ke tàm tu\ lơh broă, mơya ờ lời bơta hơ\ lơh gơ rềng tus kơ nòl broă he dê: “Gơnoar broă dờng màng bơh cau ùr dê là gơs cau mè, mơya tu\ lơh broă den pal bè ală cau klau ndai, pal lơh jơh, ờ tam cah là cau ùr cau klau, tài hơ\ là broă lơh he dê, là kơ nòl he dê, he pal lơh niam. Mờ kờ` lơh niam den cau klau lơh ngan dùl, den cau ùr pal lơh ngan 2 dơ\. Kuang đơng lam bồ, kấp ủy, mpồl lơh broă, đảng ủy kuang àng càr sền gròi, dong kờl den oh mi cau ùr kuang àng mờ ală kuang đơng lam bồ là cau ùr kung ndrờm lơh ngan tus bal jơh ală gah broă lơh”.

Thượng tá Lương Thị Thu Quỳnh (ơm nggùl) tàm dùl dơ\ mblàng yal adat boh lam gùng lòt tàm tiah làng bol kòn cau

Trung tá Nguyễn Thị Ngọc Thúy, Phó Kuang atbồ Mpồl cau ùr Kuang àng càr Gia Lai pà git, tài bơta krơi is bơh mpồl lơh broă do dê, den tàng khà cau ùr tàm mpồl sùm lơyah rlau mờ cau klau. Là cau ùr, pal lơh kơ nòl broă bơh pơ ùr, cau mè dê, den tàng ală bi geh bơta kòl yan tàm broă lơh, mơya bơ tơl wơl, ală bi neh git ngui bơta chài rơgơi, ngac ngar, jak chài, khin cha tàm broă lơh. Ua\ oh mi cau ùr geh kuang đơng lam bồ kuang àng càr pin dờn jàu dờp kơ nòl ală broă lơh kuơmàng bè gròi sền, cau lùp khàu tìs hình sự, ma túy; kuang atbồ kuang àng ală kơnhòal, thị xã mờ kuang atbồ cơldu\ lơh broă ờs mờng.

Bơh nam 2015 tus tu\ do, neh geh rlau 450 dơ\ kuang bàng, cau ùr kuang àng geh cồng nha jak ngan tàm broă lơh, srơh tàm pơrlòng geh ală kấp pà khà jờng, 97% cau ùr kuang bàng, cau ling kuang àng tàm càr Gia Lai là đảng viên. Trung tá Nguyễn Thị Ngọc Thúy pà git tai: “Tàm gơ noar broă he dê, ală bi sùm tơnguh pràn jak, ai tơnggo\ nùs nhơm pràn kơldang bơh cau ùr kuang àng lơh jat kơrnuat lơh broă, geh kơ nòl broă, rơcang lài, geh cồng nha. Bơh cồng nha lơh broă pah nam geh 75% oh mi cau ùr là cau lơh broă jak, 8% oh mi cau ùr là cau ling tàm pơrlòng. Ua\ bằng khen bơh Thủ tướng, Bộ Kuang àng, Ủy ban Nhân dân càr, sră jờng bơh Kuang atbồ Kuang àng càr Gia Lai ai tơnggo\ bơta cih dờp bơh ală kấp đơng lam bồ gơ wèt tus mờ bơta tă pơgồp bơh ală oh mi cau ùr kuang àng dê”.

Mờ nùs nhơm dờng màng bơh cau kuang àng dê, ală cau ùr kuang bàng, cau ling kuang àng Gia Lai neh sơrlèt gan ală kòn yal bè bơta krơi is đah cau ùr mờ cau klau, lơh ngan ai tơnggo\ să tờm he dê tàm broă lơh, pơgồp bơnah balmờ mpồl kuang àng sền gàr ring lơngai làng bol tàm [òn lơgar in.

Cau cih Nguyễn Thảo - Cau mblàng K’Duẩn