VOV4.K’ho- Tềng đap bơta gơlik geh, bơtờp ngai sơlơ uă bơh kòp Covid-19 dê, Mpồl đơng lam gah jat yàng Phờk Việt Nam càr Kon Tum sồr ală anih gơ wèt Mpồl đơng lam mờ Tự viện tàm càr, bơh ngai 1/8 ơm ing bơyai lơh ală broă lơh tơr gùm uă cau, bè dơ\ lơh chờ Quan Thế Âm, khoá tu kàl rlô bơkang, khoá tu bát quan trai, khóa tu răc dan yàng phờk.

Hìu jum Chính toà (hìu jum lơh mờ mpàn) ơm tàm [òn dờng Kon Tum ơm ing broă lơh tus sền nàng rcang sơn dră kòp Covid-19

Bal mờ Mpồl đơng lam gah jat yàng Phờk Việt Nam càr Kon Tum, Văn phòng Toà Gíam mục Kon Tum kung neh yal mờ geh kơnòl bal mờ mpồl bơtìan tàm broă rcang sơn dră kòp Covid-19. Ală broă lơh geh lơh jat là ơm ing ală dơ\ pơr jum duh khoai yàng tơr gùm uă cau tàm hìu duh khoai. Văn phòng Toà Gíam mục Kon Tum tơngkah ală cau jat yàng pal pơn chèu glòm mut mat mờ rào tê mờ dà lơh kloh khuẩn; tàm tơngai kòp cau kra, kơnòm dềt ờ duh pal lòt pơrjum, ai dilah geh ală bơta gơbàn tơngo\ bè jê rơ nồng dờ, bơsiă, nggụ, duh să,…den ơm te\ tàm hìu. Tu\ ơm tàm hìu, gơtui sền sră goh, kờp plai `òng, kơlôi sơnơng sră goh, jat sền mờ tus bal dơ\ pơrjum tàm internet bơh ală gah jat yàng dê.

Cau mblàng K’ Hạnh