VOV4.K’ho-Ngai 23/6 pa do, geh bơyai lơh Pơrjum dờng tàm pơr lòng lơh ngan jai pha gùt ling klàng dơ\ 10,  tơngai bơh nam 2015- 2020. 5 nam do, bơh srơh tàm pơr lòng lơh ngan jai pha tàm ling klàng neh geh g^t nđờ jơ\t rơbô krơh niam pơn rơ jak tàm broă lơh pràn broă bơsram mờ lơh jat nùs nhơm, bồ tơngoh jak, broă lơh mờ rài kis Hồ Chí Minh dê mờ dơ\ hòi jà lơh jat bơhìan yau, pơgồp dà kơl hề bơta pràn jak, di pal là Cau ling wa Hồ dê tàm tơngai pa. Bulah ơm tàm gơnoar broă lơi, bơta lơh broă krơi is, mơya tơl nă cau ndrờm là dùl krơh niam bơceh pa, kờ` ngan mờ broă lơh, lơh ngan sơr lèt is să tờm he dê, tă pơgồp jak ngan tàm broă lơh gơs jai pha tàm kơnòl broă chính trị bơh ală anih lơh broă, mpồl lơh broă, tơnguh bơta niam tơr gùm bal, bơta pràn tam lơh bơh ling klàng dê.

Pơrjum tàm pơr lòng lơh ngan jai pha gùt ling klàng dơ\ do dê tơr gùm 300 mpồl cau, cau dùl nă să is là cau ala mat jak ngan ala ală mpồl cau mờ cau dùl nă să is pơn rơ jak, jak ngan tàm Srơh tàm pơr lòng lơh ngan jai pha gùt ling klàng, pơgồp bơnah lơh niam bơne\ bơhìan yau dờng màng 76 nam bơt bơtàu, tam lơh mờ dờng pràn bơh ling klàng làng bol Việt Nam khin cha jak chài dê. Do là  ală mpồl cau, cau dùl nă să is pơn rơ jak geh uă bơta tă pơgồp, jơnau bơceh pa tàm broă lơh bơt bơtàu ling klàng, pơlam tàp, rcang tam lơh, lơh ngan sền gàr lơngap lơngai mờ sền gàr dà lơgar tơngai bơh nam 2015-2020.

Hơ\ là krơh niam Thượng tá Nguyễn Thị Hường, Kuang atbồ Chính trị mơ kung là Chủ tịch Công đoàn cơ sở Hìu ma\y Z129 (Tổng cục Công nghiệp Quốc phòng), cau geh jơnau kơlôi sơnơng broă lơh “ Lơh suơn tam biăp công đoàn” neh lơh geh cồng nha tàm 2 nam do. Nùs nhơm kơlôi sơnơng hơ\ geh bơh nam 2016, tu\ hìu ma\y sơn đờm tam gơl bơyai lơh gơm sa sac rơ wah ai kuang bàng, công nhân viên, cau lơh broă, khà biăp drơng pơgap 900 nă kuang bàng, công nhân viên hìu ma\y pal blơi bơh uă tiah krơi is, digơlan gơbàn roh bơta ờ do ờ dă phan sa uă ngan. Bơh jơnau kơlôi sơnơng bè biăp sàng kloh ai hìu ma\y in, bi Nguyễn Thị Hường neh khin cha dan mờ geh kuang đơng lam bồ hìu ma\y dờp lơh suơn tam biăp công đoàn tàm mpồl lơh broă tơn.

Biăp geh jun tus hìu bềp gơm sa là kờ` pal geh ngan. A` neh dan mờ Mpồl đơng lam công đoàn cơ sở mờ geh bơta ring bal bơh kuang đơng lam bồ đơng lam hìu ma\y dê, lòt sền bal mờ ring bal lơh suơn tam biăp công đoàn mờ tus tu\ do, broă lơh suơn tam biăp công đoàn bơh bol a` dê neh gàr tơl làm biăp mờ ală bùm, plai đo ai hìu bềp gơm sa in. Bơh hơ\, neh pơ gồp bơnah tơnguh uă bơta pràn kơl dang să jan ai cau lơh broă in mờ kung tơnguh uă priă lơh geh bơh đoàn viên công đoàn in.

 Krơi is mờ bi Hường, Trung tá  Nguyễn Long Võng, Phó Tham mưu trưởng Sư đoàn Bộ Binh 2, quân khu 5, là 1 tàm 12 krơh niam kơnòm să pơn rơ jak gùt ling klàng ală nam lài, Pơrjum tàm pơr lòng lơh ngan jai pha dơ\ do, bi pơn jat tai là cau dùl nă să is pơn rơ jak srơh tàm pơr lòng lơh ngan jai pha gùt ling klàng. Dờng pràn bơh kơnă hơ đơm, sơr lèt tơl bơta bòl glar kal ke mờ brồ guh lơh ngan bơh să tờm dê, Trung tá Nguyễn Long Võng neh pơ gồp uă ngan broă lơh gơs jak ngan kơnòl broă đơng lam, pơlam tàp, rcang tam lơh uă bơh mpồl dê, bi tam pà bal bơta mờng chài bè do.

Gơ wèt mờ să tờm, a` pal lơh gơs niam tàm 2 gơnoar broă, gơnoar broă dơ\ 1 là cau kuang bàng kơnòm să, lài ngan he pal nhap nhar bơceh pa, rcang tàm broă lơh, broă lơi kung kal ke lơm mơya pal lơh ngan lơh gơs, đơs pal lòt bal mờ lơh broă. Tu\ lơh broă pal lòt sền nền nòn bal mờ kuang bàng, cau ling tàm mpồl. Gơ wèt mờ gơnoar broă là kuang đơng lam bồ, đơng lam, atbồ mpồl, gơ wèt mờ să tờm den sùm lơh nền jơh nùs bơ to bơtê ai mpồl lơh broă in pal geh bơta g^t wă di pal bè gùng dà broă lơh, nùs nhơm ling klàng tàm tơngai pa, ngan là kơnòl broă pơlam tàp mờ rcang tam lơh.

Tàm pơrjum dờng tàm pơr lòng lơh ngan jai pha gùt ling klàng dơ\ 10 gam geh g^t nđờ jơ\t krơh niam bơceh pa, lơh niam kỹ thuật, lơh niam phan crăp, phàu crong, pơ gồp bơnah lơh jat mờ ngui geh cồng nha phàu crong, tềm pềr priă jền, mpồl cau lơh broă. Tàm ală cau hơ\, geh Trung tá chuyên nghiệp Đỗ Văn Hoan, Tiểu đội trưởng, Tiểu đội Kỹ thuật Tiểu đoàn thông tin 26, Bộ tham mưu, Quân đoàn 4, bi là cau tờm bơh g^t nđờ jơ\t jơnau bơceh pa kỹ thuật drơng kơnòl broă. Pơn rơ ngan bè Bộ điều khiển bia cuh AK; Giá ra thu cáp thông tin; Phan bơna sền gròi che đa năng... neh pơ gồp bơnah tềm pềr phan bơna ai mpồl in mờ tơrmù bơta bòl glar kal ke ai mpồl ling bal in. Ờ hềt hừh nùs mờ să tờm he dê, Trung tá chuyên nghiệp Đỗ Văn Hoan pà g^t bi gam pơn jat tai kơlôi sơnơng ală jơnau bơceh pa nàng drơng broă lơh.

Ală tơngu me do là nàng kờ` tơrmù bơta bòl glar kal ke ai oh mi cau ling bal in. Dơ\ 1 là bơdìh mờ tiah tàp ling, dơ\ 2 là tơrmù mờ lơh buơn tàm tu\ ngui phàu crong, jơnau yal ai mpồl in. Nam do a` kung gam rcang yal tai tơngu me “phan bơna sền gròi mạch sền gàr cao áp. Tu\ mờ điện áp nisơna gơguh, dilah mạch sền gàr cao áp mờ ờ hềt geh tơn chơ\t, den điện áp tơmut tàm tổng đài digơlan tổng đài mờ jơh ală phan bơna bơh tổng đài dê geh gơbàn ồs sa tài bơh điện áp dờng ir.

Tơl krơh niam bơh pơrjum dờng tàm pơr lòng kờ` gơ boh dà lơgar gùt ling klàng dê là dùl nơm bơkào niam bơne\ tàm suơn bơkào lơh ngan jai pha, lơh ngan lơh gơs jak ngan tơl kơnòl broă, pơgồp bơnah bơt bơtàu mpồl ling klàng kăc màng, chính quy, hời rơ hời tam gơl pa.

Cau mblàng K’ Hạnh