VOV4.K’ho – “ Gah cribơyai broă mờ lơgar ndai dà lơgar pal lơh niam kơnòl cribơyai Gơnoar ala mat dà lơgar, Gơnoar atbồ lơgar in tàm broă bơt bơtàu mờ lơh sir ròt kơrnuat boh lam nàng mut lơh ală broă lơh cribơyai mờ lơgar ndai, ai tơlik rơndap broă niam ngan rlau jơh, geh kuơ ngan rlau jơh dà lơgar in tàm broă mut ngui jơnau pơrgon tam klac gùt Thái Bình Dương; rề ơnàng mờ sơlơ tơnguh rlau tai git gơp đah Gơnoar ala mat dà lơgar mờ Gơnoar ala mat ală lơgar…” Do là ală jơnau đơng lam bơh mò Nguyễn Thị Kim Ngân, Kuang atbồ Gơnoar ala mat dà lơgar dê tàm dơ\ tìp mat ală kuang atbồ Anih ala mat lơgar Việt Nam tàm lơgar ndai di tu\ tus bal pơrjum cribơyai broă mờ lơgar ndai dơ\ 29. Mò Nguyễn Thị Kim Ngân đơs là, mờ kơnòl tàm gơnoar lam lài, pah ngai ơm rềp tơn mờ ală tam gơl bơh dunia dê, ală kuang bàng cribơyai broă mờ lơgar ndai pal brồ guh cồng nha gơnoar bơh anih ala mat tàm lơgar ndai, rơcang lài geh jơnau dan bơh Đảng, dà lơgar bè ală broă lơh ngan ngồn nàng mut lơh geh cồng nha mut gơ rờm bal. Mơkung dong kờl ngan ngồn tus mờ ală Gah, sơnah lơh broă dà lơgar, ală tiah mờ mpồl lơh sa kă bro geh dờp bơta [uơn, rơcang niam broă lơh, tam dră bơ song bơta lòng tàm tu\ mut gơ rờm bal dunia.

              Cau cih mờ yal tơnggit K’ Duẩn.