VOV4.K’ho – Pơn jat tai pơrjum dơ\ 10, mho òr 26/10, ală kuang bàng Gơnoar ala mat dà lơgar cribơyai tàm hìu pơrjum bè bàr pe tơngume gam geh jơnau đơs krơi is bơh Rơndăp cih Adat yal yă phan bơna broă làng bol (tam gơl). Dùl tàm ală bơta geh uă kuang bàng sền gròi là gơnoar broă mờ kơnòl broă bơh Anih gròi sền ai ngui kơrnoat boh lam làng bol dê tàm yal yă phan bơna broă làng bol. Uă kuang bàng đơs là: tàm yal yă phan bơna broă làng bol, Anih gròi sền ai ngui kơrnoat boh lam ờ mu\t lơh gơnoar yal yă mờ mìng mu\t lơh gơnoar broă gròi sền broă lơh adat boh lam, den tàng Anih gròi sền ai ngui kơrnoat boh lam làng bol là anih gròi sền broă bơsong broă phan bơna broă làng bol ờ di là anih lơh broă mu\t lơh yal yă kung bè ờ di là anih lơh broă tus bal yal yă. Mơya, kung geh jơnau đơs, đơs là: anih gròi sền ai ngui kơrnoat boh lam làng bol là anih lơh broă mu\t lơh gơnoar yal yă mờ gròi sền broă lơh adat boh lam den tàng Anih gròi sền ai ngui kơrnoat boh lam làng bol là anih lơh broă mu\t lơh yal yă.

Cau cih mờ yal tơngi\t- Lơ Mu K’ Yến