VOV4.K’ho - Tàm broă lơh bơtàu tơnguh lơh sa, mpồl bơtìan, ờ gơtùi ờ đơs tus tă pơgồp bơh mpồl cau lơh sa kă bro dê. Dilah bè tàm rài tam lơh, tơl nă cau ling là dùl tiah tam lơh – lam lài tàm tiah tam lơh, lơh gơ klo\ gơ crà nha bùng bi lơh ngan jai pha, den tàm rài ring lơngai, tơl nă cau lơh kă bro là dùl nă cau ling tàm gah lơh sa mpồl bơtìan.

Ală nam 1990, dà lơgar he tam gơl pràn ngan, ua\ tu\ niam pờ tơlik ai ală rơnàng cau lơh sa kă bro in. Mờ bơta jơh nùs bal mờ nùs nhơm cau kơnòm să dê, ồng Trương Gia Bình bal mờ ală cau lơh broă bal neh bơt bơtàu kong ti bơcri pria\ mờ bơtàu tơnguh công nghệ FPT, mờ gơ gơs là mpồl tac broă drơng ala internet sơn rờp tàm lơgar Việt Nam. Khi neh khin cha lam mat kă bro tus tàm drà kă bro dunia: “Dùl tàm ală jơnau bơceh bol hi dê bè cèng bồ tơngoh jak bơh lơgar Việt Nam dê lik bơh dà lơgar, rề ơnàng bồ tơngoh jak dà lơgar dê. Bol hi neh tus lơgar Mỹ pờ kong ti tàm Silicon Valley mờ tàm lơgar Ấn Độ. Ờ mìng kờ` lơh geh cồng nha tàm lơgar Việt Nam mờ gam gơ rề tus làm gùt plai ù tai”.

Cau lơh sa kă bro Trương Gia Bình bal mờ ală cau lơh broă bal neh bơt bơtàu bồ tơnguh lơh ngan, tơrgùm 3 bơta pràn tờm ngan, hơ\ là bồ tơngoh sơ nơng broă dờng – tus bal ngac ngar – bơtàu tơnguh mhar; cau lơh broă geh bơta niam ua\ mờ bơnàng jă công nghệ - lam FPT dờng pràn. Bơh dùl kong ti mờng lơh phần mềm, FPT gơ gơs là mpồl lơh broă bal geh pin dờn ngan bơh ua\ tập đoàn dunia dê, mờ ală công nghệ tơl jơh ală bơta geh lơh gơlik tàm FPT – lơh gơlik tàm lơgar Việt Nam. Tàm tu\ kac màng công nghiệp 4.0 – sồr pal tam gơl số mhar, pràn, FPT kung gam là dùl tàm ală mpồl lơh sa kă bro lam lài.

Thủ tướng Nguyễn Xuân Phúc tìp mat ală cau lơh sa kă bro kơnòm să

Tàm dùl gah ndai geh tă pơgồp ua\ ai gơguh lơh sa dà lơgar in, hơ\ là broă lơh nhơl chờ - broă drơng ala. Ồng Trần Trọng Kiên – Chủ tịch Hội đồng quản trị, Kuang atbồ dờng Tập đoàn nhơl chờ Thiên Minh là dùl pơn yơu bè bơta pràn bơceh pa ờ git glar bòl. Bơh dùl kong ti dềt bal mờ broă lơh pa ngan – nhơl chờ ngòt rơ ngơt, Thiên Minh bơtàu tơnguh tus 18 lơgar, gơ gơs là dùl tàm ală kong ti bơyai lơh nhơl chờ khà dùl châu Á, geh ròt ală hìu nac dờng tàm ua\ tiah tờm bal mờ ua\ anih ơm rlô să dờng màng. Jat cau lơh sa kă bro Trần Trọng Kiên đơs: Kờ` gơtùi bơtàu tơnguh, pal git sơ nơng dờng, pal tàm pơrlòng ring bal: “Dà lơgar kờ` bơtàu tơnguh den ua\ mpồl lơh sa kă bro pal dờng hơ\ sồng gơtùi ai geh broă lơh, hơ\ sồng gơtùi bơtàu tơnguh. Tập đoàn TMG bol hi kờ` bơtàu tơnguh tai. Bol hi geh lơh ngan nàng gơ gơs là kong ti lơh gơlik pria\ tơmàn dolar Mỹ, gơtùi geh gơ rềng tơn tus git nđờ jơt tơlak nă cau mờ tă pơgồp ai bơta bơtàu tơnguh, pas sơm bơh lơgar Việt Nam dê in”.

Ờ mìng lơh ngan brồ guh tus làm gùt dunia, ua\ cau lơh sa kă bro bè ồng Lê Viết Hải, Chủ tịch Hội đồng Quản trị mờ là Kuang atbồ dờng Tập đoàn bơt bơtàu Hòa Bình gam kơp kờ` lam Việt Nam guh tus khà dùl tàm muh mat dunia: “Việt Nam neh geh ua\ bơta là sồ 1: sồ dùl bè kơphe, sồ 1 bè tac phe hờ lơgar ndai, tàm rài tam lơh, Việt Nam là mpồl ling jak ngan rlau jơh dunia… ~chi bơh tài ờ gơtùi bơt bơtàu gơs dà lơgar sồ 1. Geh ngui công nghệ pa ngan rlau jơh, Vinfast khi lơh hìu mai\ tàm 21 nhai; Hòa Phát lơh hìu ma\i git nđờ jơt tơlak tấn lòs kung mìng tàm 18 nhai neh lơh geh phan. Hơ\ là ală bơta niam bè bơcri pria\ bơt bơtàu. Bol he geh bơta niam nàng lam bơt bơtàu gơs là sồ 1”.

Khi là ală cau lơh sa kă bro rài sơn rờp, sơr lèt gan ua\ kal ke neh mờ gam lơh gơlik mat kă bro geh bơngă pin dờn bơh lơgar Việt Nam dê tàm muh mat dunia. Pal sền gròi là bal mờ bơta kơp kờ` bơtàu tơnguh mpồl lơh sa kă bro, bơtàu tơnguh mat kă bro tàm dơlam is gah broă lơh, khi gam lời ai bơta pràn nàng bơt bơtàu ală rơnàng cau lơh sa kă bro pa, mờ pràn jak bơceh pa jak rlau, geh bồ tơngoh git wă, khoa học công nghệ. Khi sền hơ\ là kơ nòl mpồl bơtìan bơh cau lơh sa kă bro – mpồl lơh sa kă bro dờng pràn dê.   

Cau mblàng K’Duẩn