VOV4.K’ho - Bơh tu\ geh crơng gơs tus tu\ do,  Đảng Cộng sản Việt Nam neh sơrlèt gan 11 dơ\ pơrjum. Tơl dơ\ pơrjum Đảng bal mờ broa\ lơh gùng dra\ bal krơi is, mơya drờm geh lơh gơs broa\ lơh la sền wơl gơl gùng neh lòt gan mờ geh gùng broa\ lơh kuơ màng nàng atbồ dà lơgar tàm tơngai pơnjat tai. Di tu\ pơrjum kuang bàng gùt lơgar dơ\ XII bơh Đảng, geh đơs wờl ờ ua\ bơta tềl go\ pơnrơ ngan bơh dơ\ pơrjum Đảng mờ bơta tơlik lơh tus mờ dơ\ pơrjum dơ\ XII dơ\ do.

            Bồ sơnam pa 1930, tàm Cửu Long, Hương Cảng, lơgar Lo, ồng Nguyễn Ái Quốc mờ la cau lơh broa\ bơh Quốc tế Cộng sản, neh bơyai lơh pơrjum trơ gùm dùl ala\ mpồl cộng sản gơs dùl Đảng lơm sơnđan mat dà Đảng Cộng sản Việt Nam. Dơ\ pơrjum kuang ala mat dơ\ dùl geh bơyai lơh tàm nhai 3 nam 1935 geh bơnga\ kuơ màng ngan tài neh lơh geh gùng ntàu tam lơh kờ` dà lơgar he geh ngap lơngai, tơlik geh 3 broa\ lơh tờm ngan  tềng đap mat bơh Đảng dê la geh lơh niam mờ bơtàu tơngguh Đảng, lơh pràn dơ\ lam sồr làng bol,  sơndra\ tam lơh bơh lơgar lòt sơgràm lơgar ndai.

            Tus nhai 2 nam 1951, dơ\ pơrjum kuang bàng gùt lơgar dơ\ II bơh Đảng dê geh pơrya rài dà lơgar tu\ geh ai tơlik ala\ broa\ lơh nàng  dà lơgar he geh jai pha lồi dut tàm dơ\ tam lơh mờ lơgar Tây, mờ jai pha Điên Biên Phủ nam 1954. Tềl go\ ngan bơh dơ\ pơrjum do la chồl guh tus khà jơnhua ngan bơh bơta ring bal gùt làng bol, den tàng Đảng neh  tam gơl gơs Đảng lơh broa\ Việt Nam, trơ gùm  dờng ơnàng tơl rnàng làng bol,  geh wèt tus dùl broa\ lơh dờng ngan rlau jơh la tơng klàs jơi bơtìan. Do la dơ\ pơrjum bơh  gah tam klac gùt làng bol mờ Đảng lơh broa\ Việt Nam la tờm ngan.

            Pơrjum dơ\ III bơh Đảng neh lơh tàm nhai 9 nam 1960, geh ai tơlik  broa\ dờng ngan la dùl tu\ mut lơh 2 broa\ lơh bơt bơtàu chủ nghĩa xã hội hờ đah tô  dà lơgar mờ ntàu tam lơh tơng klàs đah jum dà lơgar, sơndio geh gùng mìng dùl lơm bơh kac màng Việt Nam la  at phàu ntàu tam lơh tơng klàs đah jum dà lơgar mờ broa\ tam lơh kac màng.

            Ala\ broa\ lơh di pal ngan bơh 3 dơ\ pơrjum hơđang do neh dong Đảng  he geh was ma\y plung kac màng Việt Nam geh lòt tus jai pha lồi dut,  dà lơgar trơ gùm dùl. Nhai 12 nam 1976, dơ\ pơrjum kuang bàng gùt lơgar dơ\ IV bơh Đảng neh tơnjơh dơ\ tam lơh mờ Mỹ sò tơm, dong klàs dà  lơgar mờ tơlik geh ala\ gùng dà broa\ lơh xã hội chủ nghĩa tàm gùt lơgar. Dơ\ pơrjum dơ\ IV geh kơrnuat tam gơs mat Đảng lơh broa\ Việt Nam gơs Đảng Cộng sản Việt Nam.

            Tơnơ\ hơ\,  dơ\ pơrjum dơ\ V bơh Đảng geh bơyai lơh nhai 3 nam 1982, geh tơlik 2 broa\ lơh kuơ màng kac màng bơh lơgar he tàm tơngai pa la bơt bơtàu geh cồng nha xã hội chủ nghĩa mờ rcang tam lơh, sền gàr  kơljap dà lơgar Việt Nam xã hội chủ nghĩa, mơ kung geh gùng lơh loh bơta git gơp đềt mêr bơh 2 broa\ lơh kuơ màng do tàm  rài pa.

            Dùl tàm ala\ dơ\ pơrjum  geh pơrya kuơ màng ngan la dơ\ pơrjum kuang bàng gùt lơgar dơ\ VI bơh Đảng, geh lơh tàm nhai 12 nam 1986. Do la dơ\ pơrjum geh  kơrnuat kuơ màng ngan gùng dà broa\ lơh tam gơl pa bơh Dà lơgar. Giáo sư, tiến sĩ Mạch Quang Thắng cau pơgru bơto dờng màng Học viên chính trị dà lơgar Hồ Chí Minh, geh đơs,  mờ broa\ lơh sền ngan tàm bơta mùl màl, dơ\ pơrjum dơ\ VI bơh Đảng neh song dơpa\ sơndio loh ala\ broa\ gam gơbàn, gam ờ niam bơh  bơh rài lơh sa phan bơna, broa\ rơndap, ờ geh phan bơna, ờ geh drà ka\ bro, mơ kung geh đơs tờm pal tam gơl pa tơl làm, tàm hơ\ geh pal tam gơl pa sơnơng mờ lài jơh la sơnơng  lơh sa. Giáo sư, tiến sĩ Mạch Quang Thắng đơs,  do la dùl broa\ lơh gơguh kuơ màng ngan tàm sơnơng jơnau cri bơyai bơh Đảng, lơh geh bơrnàng ja\ tus broa\ mut lơh dơ le\ bal ala\ broa\ lơh tam gơl pa tàm tơl ala\ broa\ lơh, ngan la tam gơl pa bè lơh sa nàng tam gơl bơh rài lơh sa geh broa\ lơh trơ gùm gơs rài lơh sa drà ka\ bro jat gùng xã hội chủ nghĩa:“Tam gơl pa sơnơng bơh Đảng lài jơh la  git wa\ bè broa\ lơh mờ gùng guh chủ nghĩa xã hội. Tàm broa\ lơh bơh sơnrờp bơh gah gùng dra\ bal bồ nam 1930 kung geh đơs loh gùng  broa\ lơh kac màng tư sản dân quyền kac màng mờ ù tiah kac màng nàng lòt tus xã hội cộng sản, mơya nàng lơh nền nòn rlau tai den tus dơ\ pơrjum dơ\ VI git wa\ rlau tai dùl cơnđoà gùng tam gơl  pa lòt guh chủ nghĩa xã hội lik klàs bơh broa\ lơh trơ gùm bal quan liêu bao cấp mìng gơ kờ` tàm rài tam lơh. Sơng hơ\ tàm git wa\ bè broa\ lơh gùng guh  chủ nghĩa xã hội git wa\ rlau tai bơnga\ kuơ màng bơh Đảng Cộng sản Việt Nam mờ bơnga\ kuơ màng ngan bơh bơtàu tơngguh kơljap”.

            Ala\ dơ\ pơrjum dơ\ VII,  tus pơrjum dơ\ XI neh lơh jat tai gùng tam gơl pa mờ dơ\ pơrjum dơ\ VI neh ai tơlik, tơnjơh ala\ bơta jơnau cri bơyai-mùl màl tàm broa\ tam gơl pa, geh ala\ jơnau bơsram mờng ngan, geh gùng bè git wa\, broa\ lơh tàm tơngai rài dà lơgar nền nòn. Tơnơ\ mờr 30 nam tam gơl pa, dà lơgar he neh lơh geh ala\ cồng nha lơh sa mpồl bơtìan dờng, lik bơdĩh ala\ lơgar ờ bơtàu tơngguh, neh gơ gơs  dà lơgar geh pria\ geh kờp bal di mơ tàm dunia. Việt Nam kung neh lơh geh ala\ broa\ gơguh dờng tàm ala\ broa\ lơh mờ lơgar cau,  geh crơng gơs git gơp lơh broa\ bal mờ gùt plai ù,  chồl guh rài lơh sa Việt Nam slơ ngai slơ gơ mut bal dờng ơnàng tus ala\ lơgar rềp bal mờ tàm dunia.

            Dơ\ pơrjum kuang bàng gùt lơgar dơ\ XII bơh Đảng geh lơh bơh ngai 20-28/01/2016, tàm tu\ lơgar he gam ơm tềng ua\ ngan bơta geh, mơya kung gam  ơm tềng  ua\ ngan bơta kal ke, bơta lòng. Giáo sư, tiến sĩ khoa học Vũ Minh Giang kuang atbồ mpồl khoa học mờ bơto bơtê, Hìu bơsram dờng dà lơgar Hà Nội mblàng, tơnơ\ 30 nam tam gơl pa mờ ua\ ngan cồng nha, dà lơgar he neh brồ guh pràn ngan, mơya rài lơh sa bơh dà lơgar he kung rơp sơrlèt gan dơ\ tung lơtang mờ geh ala\ broa\ lơh bơh sơnrờp niam. Bơta lòng dơ\ 2 la tơnơ\ dùl tu\ tơngai geh iang nùs đau bè broa\ lơh niam,  sền gàr tơl làm ù tiah dà lơgar,  ngap lơh is, lơh tờm, den ala\ pơhìn sơ gràm phà dà lơgar neh gam gơlik geh. Den tàng,  ala\ gùng dà broa\ lơh bơh đảng  bơh pơrjum 12 geh pơrya kuơ màng ngan, dờng ngan, pal lơh bè lơi tam gơl jơh ala\ bơta lòng gơs di tu\ niam mờ  bồ tơnggoh, khin cha mờ lơh ngan. Do la  bơta kờ` lơh kal ke rlau  ua\ ngan mờ bơta kờ` bơh ala\ dơ\ pơrjum bơh tơnơ\ dơ\ pơrjum VI tus tu\ do. Giáo sư Vũ Minh Giang geh đơs la: dilah bè pơrjum  dơ\ VI pờ geh ua\ ngan bơta pràn bơtàu tơngguh mờ broa\ hồ ce cap, pờ mpồng nàng gơ rờm bal, den pơrjum dơ\ XII kờ` pơnjat tai geh tam gơl pa bè sơnơng nàng gah tam gơs  tus dùl tơngai pa geh tam gơl bè bơta  khà niam:“Ờ mìng is a` mờ  jơh mờ gùt làng bol, tàm hơ\ geh cau geh bồ tơngoh jak drờm kơp kờ` ngan tàm dơ\ pơrjum dơ\ XII do, lơh bè lơi bol he geh sơnơng tam gơl pa mùl màl jak chài, lơh ngan dờng ngan nàng  jòi rwah geh ala\ cau tơl khin cha jak chài, tơl ơnà sa\, tơl bồ tơngoh kờ` ai tơngguh dà lơgar “ Gơguh”. Tàm do ờ geh broa\ lơh tus broa\ kơldang is  nà sa\\, bơta ờ di pal tai, ờ geh anih tus bơta sơnđìng tàm ala\ bơta bươn boài, kung ờ gơtùi kơp tàm bơta dong kờl bơh cau lơi, mờ bol he pal mùl màl sa\ tờm lơh is,  pal gàr niam gùng ngap lơngai is lơh tờm,  mơ kung pal  dờp ala\ tam gơl pa pràn ngan, di lah ờ bơtàu tơngguh jat broa\ lơh lơh gùl gơl den geh gơbàn sang is,  geh tu\ pal kong aniai ngan  tus tơngai rài dà lơgar pa do”.

            Sơrlèt gan 11 dơ\ pơrjum, Đảng he neh bơtàu tơngguh slơ ngai slơ pràn ngan,  ai geh ala\ jai pha bơh kac màng Việt Nam. Hơ\ la bơrnàng  ja\ nàng làng bol pin dờ`, dơ\ pơrjum dơ\ XII bơh Đảng geh pơnjat tai geh ai tơlik geh ala\ broa\ lơh di pal,  geh ai go\ bơta tơl pa bè sơnơng, ngan la geh rwah geh ala\ cau tơl jak, tơl chài, geh nùs nhơm  mờ lam bồ atbồ dà lơgar,  chồl guh dà lơgar  gơguh.

                             Cau cih mờ yal tơnggit K’ Brọp