VOV4.K’ho - Gah mblàng yal jơnau lơgar Mỹ ngai òr 15/1, yal jơnau yal bal tàm păng bău London, lơgar Anh, ồng Barack Obama, kuang atbồ lơgar Mỹ mờ ồng David Cameron kuang gơs gơnăp gơnuar atbồ hơđăng rlao jơh dà lơgar Anh đơs la, rài lơh sa mờ làng bol lơh tờm pràn kơldang geh tam lơh jai pha mờ bol sò tơm iơh bơsak. Bàr nă kuang bàng đơng lam atbồ do đơs tờm, bơta pràn jak sền gàr khăt gơboh sơnđờm geh bơh bơta pràn lơh sa mờ ală bơta kuơ mờ khi ting jăt, kung bè broă chồl guh gơguh tai lơh sa tam dră wơl mờ dơ\ ờ pràn ndai lơh sa gùt plai ù là kuơmàng ngan rlau jơh. Jơnau bău pa yal geh yal tơn lài mờ dơ\ lòt còp bàr ngai bơh Kuang gơs gơnăp gơnuar atbồ hơđăng rlao jơh dà lơgar Anh tus lơgar Mỹ bơh ngai do 16/1. Dơ\ lòt còp bơh ồng David Cameron dê dơ\ do là tơr gùm bơta broă sền gàr ngăp lơngai internet mờ tam dră sò tơm iơh bơsak, kuơmàng tơ nơ\ dơ\ sò tơm lơh chơ\t jê uă ngan cau tàm gùl càr lơgar Paris, lơgar Tây tàm ngai 7/1 pa do.