VOV4.K’ho - Ngai òr 08/02, anih ala măt lơgar Việt Nam tàm càr Osaka, lơgar Nhờk neh bơyai lơh dơ\ tìp măt chờ gờm nam pa Ất Mùi 2015. Đơs tàm dơ\ tìp măt, kuang jat jơng atbồ [òn dờng Sakai, càr Osaka, gơnoar atbồ mpồl g^t gơ\p lơh bơyô bal lơgar Nhờk mờ lơgar Việt Nam tiah Kansai neh tam pà jơnau chờ hờp tềng đăp mờ ală cồng nha kuơ màng mờ lơgar Việt Nam neh geh tàm nam 2014 bè broă tơnguh bơtàu lơh sa-mpồl bơtiàn, gàr niam rài kis broă lơh sa mờ đơs niam broă pơgồp bal bơh lơgar Việt Nam dê tàm broă lơh bal dunia mờ tàm châu Á, gàr niam lơngăp lơngai, ờ do ờ dă mờ tơnguh bơtàu; mờ đơs, gơnoar atbồ, ală anih lơh sa kă bro mờ mpồl lơh broă lơgar Nhờk tàm tiah Kansai geh pơn jăt tai dong kờl mờ tơnguh broă lơh bal mờ lơgar Việt Nam bè kă bro, bơcri priă, tơnguh bơtàu anih lơh sa kă bro di mờ mờ dềt, lơh sa suơn sre, khoa học-công nghệ mờ chồl pràn broă tìp bal làng bol, ơruh pơnu mờ cau bơsram dờng…