VOV4.K’ho - Drim òr (11/09), tàm Hà Nội,  anih duh broa\ ala\ bơta bè mpồl bơtìan bơh Gơnoar ala mat dà lơgar geh bơyai lơh dơ\ pơrjum pờ ơnàng nàng geh sền wơl bơh sơnrờp broa\ lơh adat lơh gơs sơnơm tam gơl. Jat pang sra\ bơh jàu bơh Gơnoar atbồ lơgar, tơnơ\ 10 nam mut ngui, ua\ geh cih tàm adat ờ gam di pal tai mờ bơta mùl màl mờ broa\ lơh gơ rờm bal dunia,  kờ` pal sền sơnơng tam gơl. Adat ờ hềt geh cih broa\ lơh lơh geh bơta pràn tus bơtàu tơngguh lơh sa mờ ma\y mok gah lơh sơnơm  kung bè gàr geh bơta tơlik tac sơnơm lơh geh tàm lơgar, bơtàu tơngguh phan lơh sơnơm, lơh gơs vaccine, sinh phẩm… Bơta ờ niam hơ\ gam gơlam tus bơta Việt Nam gam sơnđìng ngan tàm tơmut blơi sơnơm bơh lơgar cau nàng geh lơh di bơta kờ` ngui sơnơm bơh làng bol. Bal mờ hơ\,  dùl ròt bơta gam ờ niam tàm atbồ dà lơgar bè pria\ tac sơnơm kung geh ala\ cau kuang  cih loh, ngan la bơta ờ  song dơpa\ bè pria\ tac, bal mờ dùl bơta sơnơm mơya tơl anih geh tac dùl khà pria\ krơi is. Den tàng,  ala\ kuang bàng geh đơs la,  bơta atbồ dà lơgar  bè pria\ sơnơm, ka\ bro sơnơm mờ atbồ bè sra\ lơh bro\a gah lơh sơnơm geh  la bơta sồr kuơ màng ngan  tàm tam gơl adat lơh gơs sơnơm.

                                      Cau cih mờ yal tơnggit K’ Brọp.