VOV4.K’ho – Ngai òr, 02/3 tàm [òn dờng Dà Làc, càr Lâm Đồng, Anih duh broă ală bơta bơh Gơnoar ala mat dà lơgar dê neh mut pơrjum bal dơ\ 14. Do là pơrjum mờr lồi dut bơh Anih duh broă ală bơta Gơnoar ala mat dà lơgar dê kờ` rơcang tơngume tus pơrjum Gơnoar ala mat dà lơgar mờr tus.

Sơn đờm dơ\ pơrjum, mò Phạm Thị Hải Chuyền kuang atbồ Gah lơh broă – cau ling sồt să mờ mpồl bơtiàn dà lơgar neh yal rơndap cih jơnau yal bơh Gơnoar atbồ lơgar dê bè atbồ mờ ngui kes priă sền gàr mpồl bơtiàn tàm tơngai lài nàng Anih duh broă in sền sơ wì. Jat mờ hơ\, uă bơta ai tơlik tàm jơnau yal là broă mut ngui adat sền gàr mpồl bơtiàn gam uă bơta ờ niam. Adat sền gàr mpồl bơtiàn nam 2014 geh uă broă lơh pa, ờ uă sră nggal ờ hềt gơ jat bè tơngai pơr gon; bơta pồn, dồs priă sền gàr mpồl bơtiàn gơmù pơn drờm mờ nam 2014 mơya kung gam gơlik geh tàm uă mpồl lơh sa kă bro; bơta sơmờm nàng geh kuơ bè sền gàr mpồl bơtiàn, sền gàr ờ geh broă lơh kung gam. Jat mò Phạm Thị Hải Chuyền, kờp tus ngai 31/12/2015, khà priă dồs sền gàr mpồl bơtiàn pal geh gơguh tus 5 rbô 692 tơmàn priă, uă ngan tơr gùm tàm ală mpồl lơh sa kă bro bơdìh dà lơgar đơng lam, geh tus 60% khà priă dồs. Kờp jơh dồs priă sền gàr ờ geh broă lơh tàm gùt lơgar là 315 tơmàn priă. Pơrjum kung neh sền sơ wì jơnau yal bơh Gơnoar atbồ lơgar dê bè broă mut lơh jơnau kờ` dà lơgar bè ringbal cau klau cau ùr nam 2015 mờ tơngai bơh nam 2011 tus nam 2015.

                                           Cau cih mờ yal tơngi\t- K’ Duẩn.