VOV4.K’ho – Drim òr 29/09, tàm [òn dờng Đà Nẵng, pơrjum dơ\ 9 Anih duh broă Chài rơgơi, bơto bơtê, ơruh pơnu, kơnòm pa tàu mờ kơnòm dềt bơh Gơnoar ala mat dà lơgar dê pơn jat tai cribơyai, tă pơgồp jơnau đơs tàm Rơndăp lơh Adat sền gàr, dong kờl mờ bơto bơtê kơnòm dềt (tam gơl). Ală kuang bàng neh cribơyai uă tàm 4 mpồl gơnoar kơnòm dềt. Tàm hơ\, ring nùs bal mờ broă tam gơl Adat sền gàr, dong kờl mờ bơto bơtê kơnòm dềt gơs là Adat kơnòm dềt; tơnguh sơnam kơnòm dềt bơh 16 sơnam tus hơđơm 18 sơnam. Gơ wèt mờ broă dong kờl kơnòm dềt, uă jơnau đơs tă pơgồp đơs là broă lơh do ờ hềt sền dờng màng di khà, gam uă bơta ờ hềt niam, mờ geh bal tàm broă kham sơm kòp. Ồng Dương Trung Quốc kuang geh jơng tàm Anih duh broă Chài rơgơi, bơto bơtê, ơruh pơnu, kơnòm pa tàu mờ kơnòm dềt bơh Gơnoar ala mat dà lơgar dê, geh jơnau đơs bè do: “Gơ wèt mờ ală oh dềt ndai mờ cau dờng pal geh ai lài. Pơnyơu bè dong kờl sơm kòp kơ` jơ\, tu\ do cau dờng geh tu\ gơbàn ală kòp kơ` jơ\ kờn pal geh dong kờl mhar, pal geh priă tă hơ\ sồng geh dong kờl sơm kòp. Mơya ală oh dềt den là pal lơh, tơnơ\ hơ\ cau ngui ală broă lơh ndai bè đah priă jền, bè hơ\ den hơ\ sồng là gơnoar bơh ală oh dềt dê. Adat neh đơs tus uă ngan ală anih lơh broă pal dong kờl tus ală oh mơya ờ go\ geh kơnòl lơi ờ. A` ngòt ngan rlau jơh tàm do là bơta cồng nha lơh jat ngan ngồn bơh Adat dê. Mờ Adat ờ geh lơh jat ngan ngồn den là ờ geh kuơ”.

Cau cih mờ yal tơngi\t- Lơ Mu K’ Yến