VOV4.K’ho - Anih duh broă châu Âu pa yal 1 rơndap broă dờng ngan, kờ` chul chồl tam klac đah 28 lơgar tac năng lượng tàm mpồl tam klac châu Âu nàng tơmù bơta gơ wèt `hơm chu bơh đah lơgar Nga mờ tac năng lượng khà priă ờ kas rlau cau ngui in. Ồng Maros Sefcovic kuang jat jơng atbồ anih duh broă châu Âu ngai òr  25/02 pà git, do là rơndap broă năng lượng geh uă bơta kơp kờ` ngan rlau jơh kờp bơh tu\ crơng gơs mpồl tam klac châu Âu rlau gùl rài lài. Ồng Maros Sefcovic pin dờn là, rơndap broă do geh tam gơl niam ală bơta tam klac gan tiah nhàr lơgar bơh ală lơgar tac năng lượng tàm châu Âu, dong tềm pềr ală mpồl lơh sa kă bro kung bè cau ngui in pơgap 40 tơmàn Ơrô pah nam. Ồng Maros Sefcovic pà git, mpồl tam klac châu Âu gam tam klac pràn ngan mờ ală lơgar rềp bal bè Algiêria, Thổ Nhĩ Kỳ mờ Norway nàng geh li la khà tac năng lượng bơh bơdìh.