VOV4.K’ho - Drim òr 12/03, tàm Hà Nội, Anih duh broă cribơyai mờ lơgar cau gơnuar ala mat dà lơgar pơrjum bal dơ\ 11, cribơyai bè broă gàr niam mut lơh jat sèng 14, bơta 70 bơh sơnua boh lam nam 2013 bè gơnuar kòn bơnus, gơnuar mờ kơ nòl kuơ màng bơh làng bol dê jat di mờ nùs nhơm sơnua boh lam. Ală kuang geh jơng tàm anih duh broă cribơyai mờ lơgar cau gơnuar ala mat dà lơgar đơs, sơnua boh lam nam 2013 cih tàm sèng 14 bơta 70 bè broă gơnuar ala mat dà lơgar ki\ kơrnuat, tơmut halà tơn jơh tơngai mut ngui jơnau pơr gon dunia bè gơnuar kòn bơnus, gơnuar mờ kơnòl kuơ màng làng bol dê là 1 bơta pa tàm sơnua boh lam. Mơya nàng gàr niam broă sền sơ wì, ki\ kơrnuat gàr niam tu\ tơngai, gàr niam broă tus bal, mut ngui mờ là lơgar geh jơng geh kơ nòl bơh ală jơnau pơr gon dunia dê, mơkung cèng wơl bơta kuơ làng bol in, mờ gàr niam ờ do ờ dă, ngap lơngai dà lơgar kuơ màng, geh bơta sền sơ wì đal git loh làng ală jơnau pơr gon jat tơl gah broă lơh. Jat mờ hơ\ pal đal git loh ală jơnau pơr gon kuơ màng bè gơnuar kòn bơnus, crơng gơs, dờp, sền dờng màng, gàr niam ală gơnuar kòn bơnus, gơnuar mờ kơ nòl kuơ màng làng bol dê den di sèng 14 bơta 70 sơnua boh lam dê. Ală jơnau pơr gon geh gơ rềng tus gơnuar, kơ nòl kòn bơnus, cau 1 nă să, mơya mìng cih ală bơta crơng gơs kơrnuat, broă rơndap lơh, broă tam klac đah ală tiah, nàng gàr niam bơta do den ờ gơ ơm tàm sèng 14 bơta 70 sơnua boh lam dê.