VOV4.K’ho - Mho òr, (28/6), tàm hìu lơh broă Gơnoar atbồ lơgar, ồng Phạm Bình Minh, kuang jăt jơng gơs gơnăp gơnoar atbồ hờ đang rơlao jơh dà lơgar mờ là kuang atbồ Anih duh broă dà lơgar APEC 2017 neh đơng lam pơrjum dơ\ 5 anih duh broă dà lơgar APEC 2017 dê. Pơrjum dơ\ do tơrgùm sền wơl broă lơh bơh Anih duh broă dà lơgar APEC 2017 tàm 6 nhai bồ nam mờ ai tơl^k gùng dà broă lơh 6 nhai lồi nam 2016. Tàm pơrjum, ồng Phạm Bình Minh neh pơn jờng ală broă lơh ngan bơh ală gah, mpồl lơh broă dà lơgar bal mờ ală tiah neh lơh gơs khà broă dờng geh jàu, tus bal lơh jăt di tơngai rơcang bơyai lơh pơrjum nam APEC 2017 tàm lơgar Việt Nam. Ồng Phạm Bình Minh neh đơs tòm, tơnguh cồng nha pơgồp bal bơh ală gah, mpồl lơh broă dà lơgar, bơh Dà lơgar mờ ală càr, [òn dờng là broă lơh tòm kờ` tơl niam tơngai rơcang nam 2017 tàm 5 broă lơh tòm bè tơngu me, phan bơna mờ mpồl dong broă, cau drơng broă, sền gàr bơta lơngăp lơngai mờ lơh sơnơm, lam sồr mờ bơta chài rơgơi geh bơyai lơh ndrờm bal, tơl niam di pal tơngai mờ bơta niam. Tềng đăp mă, ală gah, mpồl lơh broă dà lơgar bal mờ ală càr, [òn dờng pal ai tơl^k ală broă lơh tòm, ală broă tòm pal ai lài lơh; gơwèt mờ ală broă gam kal ke, pal gờ` yal, dan geh jơnau lam sồr kờ` geh broă lơh di tu\ bơsong.

              Cau cih mờ yal tơng^t Ndong Brawl