VOV4.K’ho - Ngai òr 04/03, ồng Ban Ki Moon gơnuar atbồ anih duh broa\ dunia hòi jà ồng Salva Kiir kuang atbồ lơgar đah jum Sudan mờ ồng Riek Machar kuang jat jơng atbồ lơgar  lài do ai tơlik ala\ jơnau kờ` ngan  nàng bơsong tơl làm dơ\ tam lơh is tàm lơgar pa ngan do. Jơnau hòi jà do geh ồng Ban Ki Moon ai tơlik tàm 2, 3 ngai lài mờ tơngai lồi dut la 8/3 bơh anih lơh broa\ bơtàu tơngguh gơnoar at bồ bal ai tơlik nàng tơnjơh ala\ dơ\ cri bơyai broa\ bè ngap lơngai tàm lơgar đah jum Sudan. Ồng Ban Ki Moon đơs geh chul chồl pràn ngan 2 đah dra\ wơl nàng ai go\ bơta atbồ,  lơh geh  bơta ngap lơngai bơh làng bol đah jum Sudan ai bơh gơnuar bơh tơl gah dê, mờ geh ala\ jơnau ring bal kờ` ngan nàng wèt tus dùl jơnau ring bal nàng tam pà gơnuar.