VOV4-K’ho Ngai òr, anih duh broă gah tề lam gùng dră bal dà lơgar càr Dak Lak bơyai lơh pơrjum mblàng ngui mờ ai jơnau đơs tă pơ gồp tàm rơndap adat phan bơna mờ broă làng bol tam gơl. Uă bơta bơh càr dê neh geh ală kuang bàng đơs tus nàng tă pơ gồp jơnau đơs tàm adat do. Ồng Bùi Hồng Qúy, kiang jat jơng atbồ gah lơh broă kơrnuat boh lam càr Dak Lak pà git, rơndap adat phan bơna mờ broă làng bol tam gơl neh ai tơlik  uă tơngume, kơrnuat nàng mut gơ rờm bal mờ adat boh lam dunia. Mơya, geh ală bơta pa, pal geh kơ lôi sơ nơng nền nòn, pơ gồp bal ală nùs nhơm gơguh jak bơh ròt adat boh lam uă lơgar dê, nàng pơ gồp bal dipal mờ bơhìan chài rơ gơi, bơhiàn kis lơgar he dê. Pơn yơu bè kơ nòl bơh anih lơh broă geh gơnuar dê tàm broă sền gàr gơnuar làng bol, anih cah rơ`a ba` ờ dờp jơnau s  bơ song broă gơlik geh, tài jơnau là ờ hềt geh bơta cih adat boh lam nàng ngui. Ồng Bùi Hồng Qúy đơs: “Lài  do adat boh lam ờ cih, mơya tu\ do ai mut ngui là tàm tu\ adat boh lam ờ cih, den anih cah rơ`a kơ nờm tàm bơhìan kis, kơ nờm broă ngui adat boh lam ndrờm bal, hơ\ sồng jat bè bơta ringbal, den ngan bơta ringbal là 1 tàm ală bơta mờ uă lơgar gam mut ngui, mơya mờ lơgar he de kung pal kờp tus adat boh lam, hơ\ là pal geh ală kơrnuat kuơ màng nàng mut ngui bơta do”.