VOV4.K’ho - Drim òr 09/04, tàm Hà Nội, anih duh broă gah tề lam gùng dră bal dà lơgar Việt Nam bơyai lơh pơrjum nàng ală kuang geh jơng tàm mpồl duh broă mblàng pơlam tă pơgồp jơnau đơs tus mờ rơndap adat phan bơna mờ broă làng bol tam gơl. Tă pơgồp jơnau đơs tàm rơndap adat phan bơna mờ broă làng bol tam gơl, Phó giáo sư, cau pơgru jak chài Nguyễn Lang, di mpồl duh broă mblàng pơlam lơh sa đơs là, rơndap adat phan bơna mờ broă làng bol tam gơl kung gam geh jơnau đơs krơi is bè broă gơnuar atbồ gùt làng bol. Jơnau tờm ngan là ờ git di bè broă atbồ gùt làng bol là 1 broă lơh mùl màl bơh rài atbồ bal. Ồng Nguyễn Lang sồr mpồl ]ih adat sền sơwì, bơtơl tai mờ lơh loh gơnuar atbồ ờ huan geh tàm tơngume bơta 208 gơin dipal mờ bơt bơtàu, tơnguh git wă bè gơnuar atbồ, mơ kung là di mờ ờ uă bơta ndai tàm rơndap adat phan bơna mờ broă làng bol tam gơl.