VOV4.K’ho - Drim òr (18/12), anih duh broa\ gah tề lam gùng dra\ bal dà lơgar  Việt Nam càr Daklak neh bơyai lơh ala\ mpồl tus còp mờ gờm chờ Noel tàm ala\ hìu yàng Bàp,  hìu jum Tin Lành tàm càr. Tàm ala\ anih tus,  ala mat bơh anih duh broa\ gah tề lam gùng dra\ bal dà lơgar càr Daklak neh nting sap tus ala\ bàp yàng, mục sư mờ làng bol cau jat yàng geh wa\ dùl Noel niam bơne\, boh gơbài mờ mut tus dùl nam pa pràn kơldang, pas gơs. Jat anih duh broa\  gah tề lam gùng dra\ bal  dà lơgar càr Daklak, tơngai lài,  làng bol cau jat yàng Bàp, Tin Lành tàm càr neh geh ua\ ngan ta\ pơ gồp tàm ala\ srơh pơr lòng kờ` gơboh dà lơgar,  nhap nhar lơh jat ala\ dơ\ lam sồr bơh dà lơgar mờ càr lam lơh, ngan la  broa\ lơh dong kờl is  mpồl bơtìan, bè: dong kờl cau rbah, cau kra kis is dùl na\ sa\, pơnjờng tàm mpồl  pơnjờng bơsram, lơh geh gùng lòt tàm [òn lơgar…Bơh hơ\ neh pơ gồp geh lơh niam bè gùng dra\ bal,  bơtàu tơngguh lơh sa-mpồl bơtìan tàm [òn lơgar.

                             Cau cih mờ yal tơnggit K’ Brọp