VOV4.K’ho - Drim òr (02/11), anih duh broă làng bol càr Dak Lak neh bơyai lơh pơrjum tơn jơh broă tơnguh bơtàu lơh sa-mpồl bơtiàn 10 nhai tàm nam 2015. 10 nhai do, lơh sa càr Dak Lak pơn jăt tai kal ke, kờp jơh khà tă tàm kes priă dà lơgar mìng rơ\p geh 2 rơbô 700 tơmàn priă, ờ uă rơlao jăt mờ tu\ do nam lài 200 tơmàn priă. Kờ` geh jăt mờ rơndăp broă tă tàm kes priă dà lơgar là 3 rơbô 650 tơmàn priă, tàm 2 nhai lồi nam, ală gah lơh broă, ală kơnhoàl tàm càr Dak Lak pal lơh ngan lơh jăt ală broă lơh priă jền kờ` chồl pràn lơh sa, sơndră mờ blơ\ blăc tă bro, tă wơl priă gam gơlời dồs… Tàm tu\ hơ\, tềng đăp mờ bơta di gơlan trồ prang geh uă tài ală tơnao dơng dà mìng rơ\p geh rơlao nggùl khà dà, càr Dak Lak kung neh đơng lam ală tiah pal lơh jơh pràn rơcang tàm broă sơndră mờ prang, kờ` tơmù hoàc huơr. Ồng Y Bang Hđơ\k, kuang atbồ anih duh broă làng bol kơnhoàl Lăk, do là kơnhoàl geh broă lơh sre uă ngan càr Dak Lak pà g^t: “Jăt broă đơng lam bơh càr, den tu\ do geh ờ uă tiah mờ ờ tơl dà tuh den kơnhoàl neh sồr gah lơh sa suơn sre bal mờ anih duh broă làng bol ală ntum, [òn drà tam gơl tam ală bơta phan tam ndai bè tơngời, khoah… là phan tam ờ kờ` geh uă dà rơlao. Ală bă ù sih tam kòi, den kơnhoàl kung neh lơh ală rơndăp broă sơndră mờ prang, tềng đăp măt là lơh 7 nơm bơtơ\t bơtơl, mờ ai 1 anih [ồm dà ntrờn kờ` [ồm dà bơh dà dờng Krông Na”.

        Cau cih mờ yal tơng^t Ndong Brawl