VOV4.K’ho – Anih duh broă làng bol càr Dak Lak pa geh Sră đơng lam sồr bè broă sơlơ tơnguh tai kơnòl atbồ, sền gàr brê tus mờ ală mpồl lơh broă geh Dà lơgar jàu ù, ai apah ù; jàu brê, ai apah brê nàng lơh ală rơndăp broă lơh tam kau su; atbồ, sền gàr mờ bơtàu tơnguh brê…Jat hơ\, Anih duh broă làng bol càr Dak Lak sồr ală gah sơnah lơh broă mờ ală tiah geh gơrềng mu\t lơh kơnòl atbồ, sền gàr mờ bơtàu tơnguh brê tus mờ ală mpồl cau, ală cau dùl nă să is bơcri priă mu\t lơh ală rơndăp broă; đơng lam ală gah lơh broă geh gơrềng sơlơ lòt sền, bơto pơlam, dong kờl cau tờm brê, cau tờm rơndăp broă lơh tàm broă lơh bơ\t bơtàu broă lơh, broă rơndăp lơh rcang sơndră mờ crùh ồs sa brê, atbồ sền gàr brê, kơryan mờ lơh glài ală broă lơh tìs Adat sền gàr mờ bơtàu tơnguh brê. Gơ wèt mờ ală mpồl cau geh dà lơgar jàu ù, ai apah ù; jàu brê, ai apah brê pal geh broă rơndăp lơh pơgồp bal mờ gơnoar atbồ tàm tiah hơ\, ală anih lơh broă geh gơrềng nàng kơryan mờ lơh glài di tu\ ală broă lơh aniai brê, sơgràm ù brê tàm tiah rơndăp broă lơh; geh broă rơndăp lơh, sră nggal mờ rcang ală priă jền nàng tam wơl brê tàm bă brê gơtìp koh kơl aniai…

Cau mblàng Lơ Mu K’ Yến