VOV4.K’ho – Tềng đap bơta kòp mprơm gơlik mhàm gơbàn uă, mho òr 10/8, Anih duh broă làng bol càr Daknông bơyai lơh pơrjum jal mhar nàng mut lơh broă rơcang sơndră kòp. Tu\ do, kòp mprơm gơlik mhàm neh gơbàn uă tàm jơh ală ntum, [òn drà bơh jơh ală kơnhoàl, [òn drà bơh càr Daknông dê, mờ mờr 1 rbô 400 nă cau gơbàn kòp, gơguh 1 rbô 200 nă cau pơn drờm mờ tơngai bal nam lài dê.

           Dùl nă oh ềt gam sơm kòp prơm gơlik mhàm tàm hìu sơnơm kơnhoàl Dak Rlâp, càr Daknông

Jat jơnau đơs bơh gah lơh sơnơm càr dê, tơngai tus, kòp mprơm gơlik mhàm digơlan bơ tờp uă tàm mpồl bơtiàn mờ gơlik geh kòp pluh dờng. Gah lơh sơnơm càr Daknông sồr tă 2 tơmàn 600 tơlak priă nàng mut lơh broă rơcang sơndră kòp. Mò Tôn Nữ Ngọc Hạnh, Kuang jat jơng atbồ Anih duh broă làng bol càr Daknông pà git, càr geh krà` cê rlau tàm broă đơng lam rơcang sơndră kòp mprơm gơlik mhàm bơh càr dê:“ Kung kơp kờ` là bol he sền sơwì dipal ală bơta nàng tơnơ\ do geh đơng lam krà` cê mờ bơyai lơh ală broă lơh kờ` tơnguh git wă làng bol dê, pal đơs lài làng bol in git bơta kuơ màng, kơnòl să tờm dê tus mờ pràn kơldang să jan hìu nhă mờ jơh mpồl bơtìan dê kung bè bơta sền gròi dipal bơh gơnoar atbồ tàm [òn lơgar dê. Ală mpồl gùng dră bal mpồl bơtìan pal mờ gơnoar, kơnòl he dê, bal mờ gah lơh sơnơm tàm broă rơcang sơndră kòp mprơm gơlik mhàm dùl bă niam  ngan rlau jơh.”

            Cau cih mờ yal tơnggit K’ Duẩn