VOV4.K’ho - Ngai òr 29/01, Anih duh broă làng bol càr Dak Nông bơyai lơh pơrjum sền wơl broă lơh bơto bơ tơl ơdu\ bơh sơn rờp ai kơnòm dềt bơh 3 tus 5 sơnam in tơngai bơh nam 2012- 2014. 3 nam do, càr Dak Nông neh tă kes priă mờ hòi jà bơta tă pơ gồp bal bơh ală rơnàng làng bol dê nàng mu\t lơh bal bơto bơtê kờn bơcri priă lơh ală hìu bơsram ơdu\ bơh sơnrờp. Gùt càr neh geh 64 tàm 71 ntum (90%) geh tơl khà bơto bơtê ơdu\ bơh sơn rờp…Jăt mò Nguyễn Thị Ngọc Lệ kuang jăt jơng atbồ Anih duh broă làng bol càr Dak Nông dê yal: khà ntum gam wơl ờ hềt lơh geh tơl khà, uă ngan là tàm tiah sar lơgar ngài, làng bol ntrờn ơm kis khat gơboh gơguh uă, khà ờ gi\t sră uă, phan bơna ờ hềt tơl, den tàng broă lơh bơto bơ tơl ai kơ nòm dềt bơh 3 tus 5 sơnam in gam tìp uă kal ke. Càr Dak Nông geh pơn jăt tai lơh pràn broă lơh mpồl bơtiàn lơh bal bơto bơtê, tơnguh jơnhoa cồng nha tàm kai bơsram do.