VOV4.K’ho – Ngai òr 25/11, Anih duh broă làng bol càr Dak Nông pơgồp bal mờ Gah cribơyai broă mờ lơgar ndai dà lơgar bơyai lơh pơrjum dờp git bơta git wă bè mut gơ rờm bal dunia nam 2015.

Đơs tàm dơ\ pơrjum, ồng Cao Huy, kuang jat jơng atbồ Anih duh broă làng bol càr Dak Nông đơs tờm, mut gờm bal lơh sa dunia, rề ơnàng cribơyai kă bro mờ ală lơgar tàm kơnhoàl mờ dunia là 1 bơta pal geh tàm broă bơtàu tơnguh bơh lơgar he dê đơs bal mờ càr Dak Nông đơs is. Den tàng, bơh ală tơngume jơnau tơngit geh yal tàm pơrjum dơ\ do, ală mpồl, ală tiah pal mut lơh niam rlau tai broă mut gơ rờm bal lơh sa dunia tàm mpồl lơh broă he dê. Ală mpồl lơh sa kă bro tàm càr kung pal sơlơ tơnguh git wă bè mut gơ rờm bal lơh sa dunia nàng sơr lèt gan ală kal ke, bơta lòng nàng bơtàu tơnguh niam rlau tai tàm tơngai tus.

                                                                 Cau cih mờ yal tơngit K’ Duẩn.