VOV4.K’ho - Drim òr (28/12), anih duh broa\ làng bol càr Daklak ky\ lơh broa\ bal kuơ màng mờ mpồl lơh sa dờng Bưu chính Viễn thông (VNPT) bè viễn thông mờ công nghệ thông tin tơngai bơh 2016-2020.

            Broa\ lơh ky\ sra\ lơh broa\ bal kuơ màng bơh càr Daklak mờ VNPT geh mut lơh tàm 5 gah broa\ lơh: Lơh geh phan bơna viễn thông mờ công nghệ thông tin lơh di bơta kờ` mut lơh gơs gơnoar atbồ điện tử càr dê, Ngui công nghệ thông tin drơng broa\ lơh atbồ càr dê mờ drơng làng bol, mpồl lơh sa ka\ bro, Lơh geh broa\ lơh tơl làm nàng gàr geh ờ do ờ da\, niam jơnau yal tơnggit, gơnoar atbồ điện tử, lơh bal gah cau lơh broa\ gah viễn thông mờ công nghệ thông tin, lơh bal tàm gah lơh sa mờ ma\y mok công nghệ thông tin. Broa\ ky\ sra\ ring bal lơh broa\ bal kuơ màng bè viễn thông-công nghệ thông tin tơngai bơh nam 2015-2020 bơh càr Daklak mờ mpồl lơh sa dờng VNPT la broa\ lơh lài jơh kuơ màng nàng càr Daklak bơtàu tơngguh rlau tai phan  bơna kỹ thuật mạng thông tin drờm bal, pa ngan,  mut ngui ala\ broa\ lơh bơta chài ma\y mok mờ công nghệ pa ngan bơh VNPT lơh, pơ gồp bal tàm rài bơtàu tơngguh lơh sa-mpồl bơtìan bơh càr, ngan la lơh geh gơnoar at bồ điện tử.

                             Cau cih mờ yal tơnggit K’ Brọp.