VOV4.K’ho – Anih duh broă làng bol càr Daknông neh geh jơnau yal cau lơh [au\ in bè broă 3 nă cau gơtìp cuh chơt mờ 16 nă cau gơtìp sồt să tàm ntum Quảng Trực, kơnhoàl Tuy Đức. Jat mờ hơ\, tu\ pơgap 6 jiơ 30 phút drim ngai 23/10/2016, tàm tu\ mpồl lòt cò tơn ring ù di rơndap broă bơh mpồl lơh sa kă bro Long Sơn dê, neh gơlik geh tam lah, tam lơh đah mpồl cau lơh broă, cau sền gàr bơh mpồl lơh sa kă bro dê mờ dùl mpồl làng bol. Ờ uă cau neh ngui phàu lơh gơlik is mờ phàu tàp pràn să jan cuh tàm ờ uă cau lơh broă mờ cau sền gàr bơh mpồl lơh sa kă bro dê lơh 3 nă cau chơt mờ 16 nă cau ndai sồt să. Klo yal, ală mpồl lơh broă bơh càr mờ kơnhoàl dê neh tus tiah gơlik geh broă do nàng dong kờl, gàr niam bơta gơlik geh. Kuang đơng lam bồ Anih duh broă làng bol càr Daknông neh tus lùp còp, dong kờl tơn ală cau gơtìp sồt să in mờ khà priă 34 tơlak priă. Tài do là broă kơn jơ\, kuang đơng lam bồ Gah kuang àng dà lơgar kung neh tus tơn tiah gơlik geh broă do nàng đơng lam broă lùp khàu, lơh loh. Kuang àng càr neh ai mpồl lơh broă mut lơh mơ ală broă lơh lùp khàu, lơh loh broă gơlik geh mờ jòi kup ală cau tờm mut lơh broă do.

              Cau cih mờ yal tơnggit K’ Duẩn.