VOV4.K’ho – Ngai òr 15/3, anih duh broă làng bol càr Daknông lơh broă mờ kuang đơng lam bồ Gah lơh sơnơm càr nàng iat jơnau yal bè bơta mut lơh kơnòl kuơ màng nam 2015, rơndap broă, kơnòl broă nam 2016 mờ ờ uă kòl yan, kal ke. Kuang đơng lam bồ anih duh broă làng bol càr Daknông sồr, gah lơh sơnơm pal lơh bal, dờp kơnòl mờ càr mờ broă ngui dipal khà kuang bàng, cau lơh broă gam geh tu\ do nàng gàr niam broă sền gàr, sền gròi pràn kơldang să jan làng bol. Broă kham sơm kòp pal bal hiă bè sră nggal jat nùs nhơm geh kuơ làng bol in. Càr geh rơndap broă ai gah lơh sơnơm in bơyai lơh lơh niam ală hìu sơnơm gam gơbàn ờ diơng, ngan là sền gàr tus ròt broă gàr kloh niam, bơsong sồ siă.

                                                  Cau cih mờ yal tơngit K’ Duẩn.