VOV4. K’ho - Anih duh broa\ làng bol càr Lâm Đồng pa geh kơrnuat bè broa\ tơlik geh cih ala\ broa\ lơh bơtàu tơngguh  mpồl lơh sa bal tàm càr Lâm Đồng tơngai bơh 2015-2020. Jat geh cih do, broa\ lơh dong kờl bơtàu tơngguh mpồl lơh sa bal tàm càr Lâm Đồng geh 5 tơnggu me tờm, geh: Broa\ lơh dong kờl bơto bơtê, bơto bơtê cau lơh broa\, broa\ lơh dong kờl mut lơh ka\ bro, pờ ơnàng drà ka\ bro, dong kờl geh ngui khoa học kỹ thuật mờ công nghệ pa, broa\ lơh geh tus  geh càn pria\ mờ bơsir bơta pria\ dong kờl bơtàu tơngguh bè neh geh cih: bè bơto bơtê cau lơh broa\, cau la cau kuang atbồ mờ cau geh jơng tàm mpồl lơh sa bal geh dong kờl 50% pria\ bơsram jat geh cih bơh anih bơto bơsram, dong kờl 100% pria\ đì rơndeh, rơndeh ồs. Bè broa\ lơh ka\ bro mờ pờ ơnàng drà ka\ bro, den pria\ jền càr geh dong kờl 50% pria\ geh ngui khà pria\ tus ala\ mpồl lơh sa bal tus bal dơ\ lơh  drà, ràng tơlik tàm lơgar. Bè geh ngui khoa học kỹ thuật mờ công nghệ pa, pria\ jền dà lơgar geh dong kờl 50% khà pria\ tus ala\ mpồl lơh sa bal lơh broa\ sa, mpồl lơh sa bal lơh sa mờ ma\y mok dềt ngui ma\y mok pa, sơntìl pa geh  cồng nha mờ khà niam tàm lơh sa.

                                                                      }au mblàng K’ Brọp